Cani chiguietenaláʼdxinu stiʼ scuela stiʼ cani rucheeche diidxaʼ
Ca guendarinabadiidxaʼ zeeda raríʼ ziuundaʼ cani lu Scuela stiʼ cani Rucheeche Diidxaʼ semana 27 stiʼ octubre 2008. Binnigola ni rutiidiʼ Scuela stiʼ cani Rucheeche Diidxaʼ ca zaquiiñebe treinta minutu para guietenaláʼdxinebe cani cucaadiaga ni biuundaʼ lu ca libana ni gudiʼdiʼ semana 1 stiʼ septiembre dede 27 stiʼ octubre 2008.
MODO GUINIʼLUʼ JNÉZAPEʼ
1. Ximodo zanda gánnanu xi nuu ndaaniʼ ladxidóʼ binni [be-S yaza 259 §1, 2].
2. Ximodo zanda gacanenu ti binni para gusaana de gacananalaʼdxiʼ xcaadxi binni purtiʼ si nácacaʼ de sti guidxi o de sti raza [be-S yaza 260 § 2].
3. Ximodo zanda gacanenu binni ni cayuundanenu guʼyaʼ xi nuu ndaaniʼ ladxidóʼ para ganda guiniisi lu stiidxaʼ Dios [be-S yaza 261 § 3].
4. Xi cadi naquiiñeʼ guiaandaʼ laanu ora maʼ cusíʼdinu binni xiixa ne rápanu gana chindani ladxidóʼcabe [be-S yaza 262 § 5].
5. Xiñee naquiiñeʼ chinándanu biaʼ tiempu nexheʼ gudiʼnu ti libana ra ridagulisaanu [be-S yaza 263 § 1, 3 ne cuadru].
PRIMÉ LIBANA
6. Ximodo zanda gudxíʼlunu ca cosa malu nuu lu guidxilayú ra cayuni mandar Binidxabaʼ riʼ [wt yaza 75 § 13].
7. Pora nga jma racané laanu gánnanu ziasa ca gueʼtuʼ ca [wt yaza 79 § 3].
8. Xi chigaca ra riaana ca gueʼtuʼ ca, ne xi chigaca ca gueʼtuʼ ni nuu ndaaniʼ ni [wt yaza 86 § 13].
9. Xiñee nabé caquiiñeʼ gánnanu de Reinu stiʼ Dios ca dxi stinu riʼ [wt yaza 91 3].
10. Ximodo nánnanu guca Jesús Rey guibáʼ iza 1914 [wt yaza 91 § 4].
BIAʼ RA BIUUNDAʼ BIBLIA TI SEMANA
11. Xii nga guníʼ Pablu ne ca diidxaʼ riʼ: «Lagusaana hombre ca lu naʼ Binidxabaʼ para guinitilú beela ca ti guilá espíritu ca» (1 Corintios 5:5, NM). [w08 15/7 «Stiidxaʼ Jiobá nabani. Cani naquiiñeʼ gánnanu de ca carta ni gucuá ra nuu ca xipinni Cristu de Corinto (Corintios)»].
12. Panda biaje caquiiñeʼ guietenaláʼdxinu guendaguti stiʼ Jesús lu ti iza, ne dede padxí nga zúninu ni (1 Cor. 11:26). [w08 15/7 «Stiidxaʼ Jiobá nabani. Cani naquiiñeʼ gánnanu de ca carta ni gucuá ra nuu ca xipinni Cristu de Corinto (Corintios)»].
13. Xi visión rieeteʼ lu 2 Corintios 12:2-4, ne tu zándaca gucuaa visión ca (w04-S 15/10 yaza 8 § 4; yaza 10 § 9).
14. Ximodo nga guyubi binni guni ni na espíritu santu (Gál 6:8). [w08 15/8 «Stiidxaʼ Jiobá nabani. Cani naquiiñeʼ gánnanu de ca carta ni gucuá ra nuu ca xipinni Cristu de Galacia (Gálatas), de Éfeso (Efesios), de Filipos (Filipenses) ne de Colosas (Colosenses)»].
15. Ximodo zanda guiénenu ni guníʼ Pablu ora gunabaʼ gapa Dios «xpida» ne «espíritu» ne «idubi naca» ca xpinni Cristu (1 Tes. 5:23). [w08 15/9 «Stiidxaʼ Jiobá nabani. Cani naquiiñeʼ gánnanu de ca carta ni gucuá ra nuu ca xipinni Cristu de Tesalónica (Tesalonicenses) ne ra nuu Timoteo»].