Cani chiguieeteʼ

◼ Cani zanda gusaananenu binni lu beeu mayo: revista Torre stiʼ ni rapa ne ¡Despertad! Ora chigánnatu ca binni ni riuulaʼdxiʼ guiziidiʼ jma, casi cani rié ra rietenaláʼdxinu guendaguti stiʼ Jesús peru qué ridxaagapecaʼ xquidxi Dios la? laguni stipa pur guzulú gúʼndanetu laacabe libru Xipeʼ ndiʼ cusiidiʼ Biblia. Junio: libru Xipeʼ ndiʼ cusiidiʼ Biblia. Julio ne agosto: Ca folletu de 32 yaza ni nápatu. Zándaruʼ gusaanatu folletu Xi canabaʼ Dios lii guʼnuʼ ora maʼ canagucheechetu diidxaʼ dede ra guirá cani.

◼ Ruta para ca precursor 2011 ni chigaca Méjicu. Zácani lu ca beeu riʼ: enero ne febrero, marzo ne abril, mayo ne junio. Zacanécabe ca neza binni ridagulisaa ni runi tender ca grupu ni nuu zitu ni riníʼ diidxastiá, ni riníʼ seña ne xcaadxi diidxaʼ riníʼcabe Méjicu. Para ganda chécabe ruta riʼ la? naquiiñeʼ: 1) gácacabe precursor regular, 2) gácacabe de Méjicu ne pa de sti guidxi laacabe naquiiñeʼ chuʼ ca guiʼchiʼ stícabe jneza, 3) ganda chécabe chupa beeu, 4) gánnacabe guiníʼcabe biaʼ 40% de diidxaʼ ni gulícabe, ne 5) gápacabe 18 iza dxi ganda 1 stiʼ enero 2011, laaca zanda cheʼ cani caʼruʼ gusaa 18 iza pa cheʼ bixhózecaʼ ne jñaacaʼ. Cani maʼ bichaganáʼ la? naquiiñeʼ chinecaʼ xheelacaʼ. Nécapeʼ zanda gucaa cani racalaʼdxiʼ cheʼ paladu de guidxi riʼ checaʼ (ladu guiaʼ, galahuiʼ o ladu gueteʼ) ne xi diidxaʼ rápacaʼ gana la? zándaca guseendacabe laacaʼ sti lugar ra riníʼ binni sti diidxaʼ. Pa racaláʼdxiluʼ cheluʼ la? guniʼné ca binnigola ni nuu ra ridagulisaaluʼ ante de 31 stiʼ agosto 2010.