Gucheechenu diidxaʼ ora napa binni vacación

Jma nagueenda zadxélanu binni ralidxi ora maʼ cayaca saa guidxi ne ora maʼ cayaca saa stiʼ ti bidóʼ. Nga runi, zanda chigucheechenu diidxaʼ ca dxi riʼ. Zanda quixhe chaahuiʼ ca neza binni ridagulisaa ximodo jma galán gucheechecaʼ diidxaʼ ca dxi bizéʼtenu riʼ. Pa maʼ huadxí riasa binni ora napa vacación neza ra nabézatu la? zándaca galán guidxaa hora ridagulisaatu para chigucheechetu diidxaʼ. Zanda tiidiʼ ti anunciu lu Guendaridagulisaa stiʼ Dxiiñaʼ Stinu para ganna ca xpinni Cristu pora guidagulisaatu ne uguutu gana laacabe para gucheechecabe diidxaʼ. Laaca zanda guiziiláʼdxinu o gúninu xcaadxi dxiiñaʼ stinu ora nápanu vacación. Peru cadi laaca galán iquiiñenu chupa chonna hora stinu para gucheechenu diidxaʼ la? Zacá zadúʼyanu pabiáʼ nayecheʼ riuu ladxidóʼ binni ora runi xhiiñaʼ Jiobá (Mat. 11:29, 30).