Gusiénenu binni xiñee zigánnanu laa

Nuu tiru, ora guxhidxináʼ ti Testigu ra puertaʼ lidxi tuuxa, primeca ni rinabadiidxaʼ binni nga tu laabe ne xiñee zigánnabe laa. Nuu xpinni Cristu nagueendaca rusiene xiñee ziganna binni. Ugapadiúxisibe binni riniʼbe: «Ñuuladxeʼ ñuundaniáʼ lii Biblia sin quiʼxuʼ» o «Beeda gannaʼ lii para güeniáʼ lii de ti guendanagana ni nabé riguu xizaa ca vecinu: guiráʼ guendaquéiquiiñeʼ nuu yanna», de racá maʼ rinabadiidxaʼ Testigu riʼ laabe xiixa ni zanda guicábibe. Ora maʼ biene binni xiñee zigánnanu laa, zándaca jma ziuulaʼdxiʼ gucaadiaga ni rusíʼdinu.