Guni orarnu pur ca hermanu ni canazanándacabe laacaʼ

Biblia maca guníʼ zazananda Binidxabaʼ laanu para gusaana de guni predicarnu (Jn 15:20; Ap 12:17). Ñee nuu xiixa ni zanda gúninu para gacanenu ca hermanu ni canazanándacabe laacaʼ la? Nuu pue, zanda guni orarnu pur laacaʼ. Biblia ná nadipaʼ oración stiʼ ca xpinni Dios ni runi jneza (Snt 5:16).

Xi guinábanu lu ca oración stinu yaʼ. Guinábanu Jiobá gacané ca hermanu stinu gácacaʼ nadxibalú ne cadi guidxíbicaʼ (Isa 41:10-13). Laaca zanda guni orarnu pur ca autoridad ti gudiicaʼ lugar guni predicarnu, ti ganda «ibani nu sin cuʼ xa ique nu gastiʼ» (1Ti 2:1, 2).

Dxi guzananda binni Pablo ne Pedro la? biʼniʼ orar ca xpinni Cristo pur laacabe ne bizeetecaʼ lácabe (o nombre stícabe) (Hch 12:5; Ro 15:30, 31). Neca qué gánnanu tu láʼ ca hermanu ni canazanándacabe laacaʼ, zanda guzéʼtenu xi congregación nuucaʼ, xi guidxi laacaʼ o xi lugar nuucaʼ.

Bicaa lá ca guidxi ra nuu ca hermanu ni canazanándacabe laacaʼ ni racaláʼdxiluʼ guzeeteluʼ lu oración stiluʼ.