Joven, biʼniʼ stipa pur gúniluʼ «guiráʼ cosa jneza»

Lu carta bicaa apóstol Pablo ra nuu Tito, gúdxibe ca hombrehuiiniʼ ne Tito, caquiiñeʼ gúnicaʼ stipa pur gúnicaʼ ni jneza lu intiica si cosa (Tit 2:6, 7). Laaca lu capítulo que bizeetebe zia xquidxi Jiobá para ganda gúnicaʼ guiráʼ «dxiiñaʼ jneza né stale gana» (Tit 2:14, TNM). Tobi de ca cosa galán ni zanda gúninu nga guni predicarnu ne gusíʼdinu de Reinu stiʼ Dios. Joven, ¿ñee zanda iquiiñeluʼ stipa nápaluʼ para gácaluʼ precursor auxiliar o regular la? (Pr 20:29).

Pa naguixhe íqueluʼ gácaluʼ precursor la? bicaa xi zanda gúniluʼ para ugaandaluʼ ni (Lu 14:28-30). Guzéʼtenu caadxi ejemplu, ¿ñee maʼ guníʼ íqueluʼ xi zanda gúniluʼ para ganda quíxeluʼ ca gastu stiluʼ ora gácaluʼ precursor la? ¿Xi gúniluʼ para ganda gusaaluʼ biaʼ hora nexheʼ guni ti precursor? Gudxi Jiobá xii nga ca cosa cá íqueluʼ gúniluʼ (Sl 37:5). Gudxi bixhózeluʼ ne jñaaluʼ ne ca hermanu ni maʼ xadxí de naca precursor xii nga ca cosa cá íqueluʼ gúniluʼ. Despué bizulú biʼniʼ xiixa para ganda ugaandaluʼ ni maʼ gudixhe íqueluʼ. Zanda chuʼluʼ seguru zaguu Jiobá ndaayaʼ stipa gúniluʼ para gúniluʼ xhiiñaʼ.

DESPUÉ DE GÚʼYALUʼ VIDEU NI LÁʼ CA JOVEN NI RUNI STIPA PUR GUSISACA JIOBÁ, ZANDA GUICÁBILUʼ CA PREGUNTA RIʼ:

• ¿Xi guendanagana bidxiilú caadxi hermanu para gunda gúcacaʼ precursor, ne ximodo bíʼnicabe ni?

• ¿Xi zanda guni ca padre para gacanecaʼ xiiñicaʼ gácacaʼ precursor regular?

• ¿Xiñee risaca gápanu ti horariu para guni predicarnu?

• ¿Xi zanda guni ca hermanu de congregación para gacanecaʼ ne cuʼcaʼ gana ca precursor?

• ¿Xi ndaayaʼ ricaa ca precursor?