Gulí chaahuiʼ tu gaca xhamíguluʼ

Ni bizaaca ca israelita lu llanu stiʼ Moab rusiidini laanu stale cosa (1Co 10:6, 8, 11). Guca xhamigu ca israelita ca gunaa de Moab ni runi cometer pecadu sexual ne runi adorar bidóʼ. Cumu bidxaagacabe ca gunaa riʼ la? bicaa ca gunaa riʼ laacabe gucheenécabe Jehová. Ne nabé feu modo bilúxecabe (Nú 25:9). Ca dxi nabáninu riʼ nápanu compañeru ra dxiiñaʼ, ra scuela, rinínenu ca vecinu ne nápanu familia ni qué runibiáʼ Jehová. ¿Ximodo riguixhená relatu riʼ laanu para guidúʼyanu xi zanda guizaacanu pa guidxaaganu binni ni qué runi ni ná Jehová?

DESPUÉ DE GÚʼYALUʼ VIDEU NI LÁʼ CADI CHINÁNDANU EJEMPLU STIʼ CA BINNI NI QUÉ NUZUUBAʼ DIIDXAʼ (FRAGMENTU), ZANDA GUICÁBILUʼ CA PREGUNTA RIʼ:

• 

  ¿Xi gudxi Zimrí ne xhupa hombre que Jamín ne xiñee cadi jneza modo riníʼ íquecabe?

• 

  ¿Ximodo gucané Finehás Jamín guiníʼ ique ni jneza?

• ¿Xiñee maʼ gadxé nga gaca ti binni nachaʼhuiʼ né tuuxa ni qué runi adorar Jehová ne maʼ gadxé nga gaca xhamigu laabe?

• ¿Xiñee caquiiñeʼ cuí chaahuinu tu gaca xhamígunu neca nuucabe ndaaniʼ xquidxi Dios?

• ¿Xiñee cadi naquiiñeʼ chuʼnu lade xiixa grupu lu ca red social ra nuu binni ni qué runibiaʼnu?