Chonna modo zanda gusihuínninu nápanu confianza Jehová

Biʼniʼ ganar David Goliat purtiʼ gupa confianza Jehová (1Sa 17:45). Racalaʼdxiʼ Jehová gusihuinni pabiáʼ poder napa para gacané ca xhamigu (2Cr 16:9). ¿Xi zanda gúninu para gusihuínninu nápanu confianza Jehová ne cadi laca laanu yaʼ? Guidúʼyanu chonna cosa ni zanda gúninu.

• Cadi gusaana de guni orarluʼ. Biʼniʼ orar Dios cadi para si guinábaluʼ laa guni perdonar lii pur xiixa ni bíʼniluʼ, sínuque para guinábaluʼ gudiibe stipa lii para gudxiiluluʼ xiixa guendanagana nápaluʼ (Mt 6:12, 13). Biʼniʼ orar Jehová cadi para si guinábaluʼ laa cuʼ ndaayaʼ ca decisión ni maʼ gucuaaluʼ, sínuque para guinábaluʼ laa gacané lii ante guicaaluʼ xiixa decisión (Snt 1:5).

• Gupa costumbre gúʼndaluʼ ne guni estudiarluʼ Biblia. Biindaʼ Biblia guiráʼ dxi (Sl 1:2). Guníʼ ique xi riziidiluʼ de ca hombre ne gunaa ni riete lu Biblia ne yenanda ni biziidiluʼ de laacabe (Snt 1:23-25). Guca preparar ante guni predicarluʼ ne cadi gápaluʼ confianza laca lii. Ne guca preparar ante gápaluʼ reunión para guiziidiluʼ jma.

• Gucané organización stiʼ Jehová. Biiyaʼ gánnaluʼ ca instrucción ni rudii xquidxi Jehová ne yenanda ca ni (Nú 9:17). Laaca yenanda ca instrucción ne conseju stiʼ ca ancianu (Heb 13:17).

DESPUÉ DE GÚʼYALUʼ VIDEU NI LÁʼ ¡CADI GUIDXÍBITU ORA SANÁNDACABE LAATU!, ZANDA GUICÁBILUʼ CA PREGUNTA RIʼ:

• ¿Xi bidxibi ca hermanu ni bihuinni lu videu riʼ?

• ¿Xi gucané laacabe para cadi guidxíbicabe?