¿Ñee ruuyaluʼ ximodo ricabi Jehová ca oración stiluʼ la?

Lu Biblia riete ximodo bicabi Jehová oración stiʼ ca xpinni. Biiyacaʼ bizaaláʼdxibe laacaʼ ne gucanebe laacaʼ ora gúpacaʼ guendanagana, ngue runi jmaruʼ si biguidxi fe sticaʼ. Nga runi risaca nga guinábanu Jehová ni peʼ racaláʼdxinu lu ca oración stinu ne guidúʼyanu ximodo ricábibe laanu. Cadi guiaandaʼ laanu zanda guicabi Jehová ca oración stinu de stale modo ne zanda gúnibe jma que biaʼ rinábanu laabe (2Co 12:7-9; Ef 3:20). Guidúʼyanu ximodo ricabi Jehová ca oración stinu.

• Rudii Jehová laanu stipa para guni sentirnu galán ne rábibe laanu ximodo zanda gudxíʼlunu xiixa guendanagana (Flp 4:13).

• Rudiibe laanu guendabiaaniʼ para guicaanu decisión jneza (Snt 1:5).

• Rudiibe laanu deseu ne poder para gúninu ni riuuláʼdxibe (Flp 2:13).

• Riguixhedxibe ladxidoʼno ora nuunu xizaa (Flp 4:6, 7).

• Riquiiñebe xcaadxi binni para gacané ne cuʼ gana laanu (1Jn 3:17, 18).

• Racanebe ca binni ni ruzéʼtenu lu ca oración stinu (Hch 12:5, 11).

DESPUÉ DE GÚʼYALUʼ VIDEU NI LÁʼ JEHOVÁ NGA «NI RUCAADIAGA ORACIÓN», ZANDA GUICÁBILUʼ CA PREGUNTA RIʼ:

• ¿Ximodo racané experiencia stiʼ hermanu Shimizu ca ni napa xiixa guendahuará?

• ¿Ximodo zanda chinándanu ejemplu stiʼ hermanu Shimizu?