28 DE ABRIL HASTA 4 DE MAYO
PROVERBIOS 11
Canción 90 ne oración | Ca diidxaʼ guzuluné ni (1 min.)
1. ¡Cadi guiniʼluʼ ni!
(10 min.)
Cadi guiniʼluʼ xiixa ni zanda guniná «prójimo» stiluʼ (Pr 11:9; w02-S 15/5 yaza 26 párr. 4).
Cadi guiniʼluʼ xiixa ni gutinde xcaadxi binni (Pr 11:11; w02-S 15/5 yaza 27 párr. 2, 3).
Cadi guiniʼluʼ xiixa ni cadi naquiiñeʼ ganna sti binni (Pr 11:12, 13; w02-S 15/5 yaza 27 párr. 5).
GUNÍʼ IQUE NDIʼ: ¿Ximodo racané ca diidxaʼ ni guníʼ Jesús lu Lucas 6:45 laanu para cadi guninanu tuuxa pur ca diidxaʼ guininu?
2. Guyúbinu ca perla ni gaʼchiʼ
(10 min.)
Pr 11:17. ¿Xi ribeendú ti binni nachaʼhuiʼ? (g20.1 yaza 11, cuadru).
¿Xi perla espiritual bidxélaluʼ biaʼ ra biuundaʼ Biblia semana riʼ?
3. Ra guiuundaʼ Biblia
(4 min.) Heb 7:1-17 (th lección 5).
4. Bizulú guniʼné binni
(4 min.) PREDICACIÓN INFORMAL. Biyubi modo guiníʼneluʼ binni ca de xiixa ni cadi xadxí biziidiluʼ lu ti reunión (lmd lección 2 punto 4).
5. Biʼniʼ revisita
(4 min.) PREDICACIÓN INFORMAL. Biʼniʼ presentar ne bisiene laabe ni riete lu ti videu ni zeeda lu kit de enseñanza, peru cadi guluiʼluʼ laabe videu ca (lmd lección 8 punto 3).
6. Biʼniʼ discípulo
(4 min.) PREDICACIÓN NÉ EXHIBIDOR. Biʼniʼ ofrecer ti estudiu ti binni ne bisiene laabe ximodo nga rusíʼdinu (lmd lección 10 punto 3).
Canción 157
7. Cadi guiniʼluʼ xiixa ni gutinde binni
(15 min.) Zanda guicabi ca ni cucaadiaga.
Cumu nácanu binni ruchee la? nuu biaje rininu xiixa ni cadi naquiiñeʼ guininu (Snt 3:8). Peru pa guiníʼ íquenu ante guininu xiixa, zacaneni laanu gucueezanu ruaanu para cadi guininu xiixa ni guniná sti binni. Raríʼ riete caadxi cosa ni zanda guiníʼ tuuxa ne pur laani zándaca maʼ cadi chuʼ congregación tobi si:
Cadi naquiiñeʼ guni presumirnu. Ora rudxíʼbanu laca laanu zándaca zucaani ca hermanu guixélecaʼ de laanu ne gápacaʼ envidia laanu (Pr 27:2).
Ora cadi naca tuuxa honradu. Qué riníʼ si ni cadi gusiguiinu, laaca laani nga cadi guininu xiixa de sti binni para guiníʼ ique tuuxa mal de laabe. Pa gusiguiinu neca ti biaje si, zanda gusirani confianza ni napa binni laanu ne maʼ zaníʼ íquecabe mal de laanu (Ec 10:1).
Chisme. Ora rininu ni cadi dxandíʼ de sti binni o rininu cosa ni qué racaláʼdxibe ganna xcaadxi (1Ti 5:13). Zanda gutinde ni binni ne maʼ qué chuʼcaʼ tobi si.
Cadi guiniʼluʼ ora cadxiichiluʼ. Laani nga ora guidaʼnu xiana ne guininu naduxhuʼ né tuuxa ni bininá laanu (Ef 4:26). Pa gúninu ndiʼ la? nabé zuninanu stale binni (Pr 29:22).
Bitiidiʼ VIDEU ni láʼ Gucáʼnanu ca cosa ni qué racané chuʼnu tobi si (fragmentu). Despué gunabadiidxaʼ ca ni cucaadiaga:
Cumu nagueenda zanda guirá paz ndaaniʼ congregación la? ¿xi rusiidiʼ videu riʼ laanu de modo naquiiñeʼ guininu?
Para gánnaluʼ ximodo gunda biguetaʼ guyuu paz ládecabe, biiyaʼ videu «Biyubi chuʼ paz ne yenanda ni».
8. Reunión ra riuundaʼ Biblia
(30 min.) bt cap. 25 párr. 14-21.