Biʼniʼ dibuju para guietenaláʼdxiluʼ ni caziidiluʼ

Nuu tiru raca nagana para laanu guietenaláʼdxinu ni biʼniʼ estudiarnu. Peru ca ejemplu ni biquiiñeʼ Jesús nagueenda rietenaláʼdxinu cani. ¿Xiñee yaʼ? Purtiʼ randa ruxuíʼlunu cani. Zaqueca pa guxuíʼlunu ni cayuni estudiarnu, jma nagueenda ziaananenu ni cazíʼdinu. ¿Ximodo zanda gúninu ni yaʼ? Ra gúninu dibuju ora maʼ cayuni estudiarnu.

Ca binni ni runi dibuju ora maʼ cayuni estudiarcaʼ rudiicaʼ cuenta jma racaneni laacaʼ guietenaláʼdxicaʼ ca cosa risaca ni biziidicaʼ. Qué rúnicabe dibuju nagana, sínuque rúnicabe dibuju sencíu. Ne, según caadxi estudiu ni huayaca ná jma nagueenda rietenalaʼdxiʼ ca binni huaniisi ni caziidicaʼ ora rúnicaʼ dibuju.

Sti biaje guni estudiarluʼ, galán quixhe íqueluʼ gúniluʼ dibuju de ni caziidiluʼ. ¡Guizáʼ zadxagayaaluʼ ora gúʼyaluʼ zietenaláʼdxiluʼ stale cosa!