4. ¿Ñee bizáʼ dios laanu para guni sufrirnu la?
¿Xiñee risaca respuesta stiʼ pregunta riʼ?
Pa bizáʼ Dios laanu para guni sufrirnu, naquiiñeʼ ñánnanu xiñee. Peru, pa qué nuzaʼbe laanu para guni sufrirnu, ¿xiñee runi sufrirnu yaʼ?
Guníʼ ique ndiʼ
¿Xiñee ndiʼ guzáʼ Dios Guidxilayú riʼ sicarú, pa nánnabe chiguni sufrir binni luni yaʼ?
Cumu ruuyaʼ caadxi binni ni qué gapa religión nuu stale sufrimientu la? riniʼcaʼ xiñee bizáʼ Dios laanu o riniʼcaʼ pa guyuu tu bizáʼ laanu. Cumu nuu stale sufrimientu la? runi crécabe guionnaʼ cosa riʼ: 1) qué zanda diʼ cuee Dios sufrimientu, 2) qué nabe cueebe ni o 3) cadi dxandíʼ nuu Dios.
Peru ¿ñee nuuruʼ xcaadxi razón xi pur runi sufrir binni la?
PARA GÁNNALUʼ JMA
Guyé lu sitiu jw.org ne biiyaʼ videu ni láʼ Xiñee zanda guni crenu dxandíʼ ni rusiidiʼ Biblia
Ni rusiidiʼ Biblia
Cadi bizáʼ Dios laanu para guni sufrirnu
Racaláʼdxibe guibáninu galán.
«Gástiruʼ sti cosa jma galán para binni que guiecheʼ ne guni ni jneza biaʼ dxi guibani ne zaqueca gocaʼ ne guecaʼ ne guiéchecaʼ pur ca dxiiñaʼ nadipaʼ ni rúnicaʼ. Ti regalu stiʼ Dios ni» (ECLESIASTÉS 3:12, 13).
Dxi bizáʼ Dios ca primé binni, bizaʼbe laacaʼ perfectu ne bidiibe laacaʼ guiráʼ ni caquiiñecaʼ para guibánicaʼ nayecheʼ
Qué nuzaʼbe laacaʼ para guni sufrircaʼ nin ca xiiñicaʼ.
«Guluu Dios ndaayaʼ laacabe ne gudxi laacabe: “Lagapa xiiñitu ne lagaca stale, laguchá guidxilayú riʼ ne laguni dxiiñaʼ luni”» (GÉNESIS 1:28).
Qué niná Adán ne Eva nuzuubacaʼ stiidxaʼ Dios
Cumu qué nuzuubacaʼ diidxaʼ, biʼniʼ sufrircaʼ ne laaca biʼniʼ sufrir cani za de laacaʼ.
«Pur ti hombre si biuu pecadu ndaaniʼ guidxilayú, ne pur pecadu ca biuu guendaguti, ne zacá gucuá guendaguti que guiráʼ binni, purtiʼ maʼ biʼniʼ pecar guiracaʼ» (ROMANOS 5:12).a
Qué nuzáʼ diʼ Dios binni para quixheʼ xi guni
Cásica qué zanda guibáninu ndaaniʼ nisa la? zaqueca qué zanda guni mandarnu laca laanu.
«Cadi lu náʼ diʼ binni nuu neza stiʼ. Cadi lu náʼ diʼ binni nuu guni mandar ra guzuhuaa ñee» (JEREMÍAS 10:23).
Qué racalaʼdxiʼ Dios guni sufrirnu
Rudiibe conseju laanu ni zacané para cadi gacananu.
«¡Pa lii dxandíʼ nucaadiaʼguʼ ca mandamientu stinneʼ! Óraque ñeeda gaca guendariuudxi stiluʼ casi peʼ ti guiiguʼ» (ISAÍAS 48:18).
a Riquiiñeʼ Biblia diidxaʼ pecadu cadi para guiníʼ si de ca cosa malu ni runi tuuxa, sínuque laaca riquiiñeʼ ni para guiníʼ binni ruchee de guiranu, tantu ni nachaʼhuiʼ ne ni runi cosa malu, pur donda bisaanané Adán ne Eva laanu.