5 NDAA
Dede ra guyécabe casi esclavu hasta ra guluucabe ca lindaa stiʼ Jerusalén
Ca dxi guyuu ca israelita que casi esclavu Babilonia la? fe stícabe bihuinni pa dxandíʼ ni. Sadrac, Mesac ne Abednego bilaacabe laacaʼ ndaaniʼ ti horno nandáʼ, peru Dios bilá laacabe. Despué ora ca medo ne ca persa gucuaacaʼ guidxi Jerusalén la? bisábacabe Daniel ra daguyoo ca lión que, peru Dios laaca bilá laabe ra biseeguʼ ruaacame.
De raqué la? Ciro rey stiʼ guidxi persa guleebe ca israelita que Babilonia. Biaʼsi lupeʼ setenta iza bibiguétacabe xquídxicabe despué de guyuucabe casi esclavu Babilonia. Tobi de cani bíʼnicabe ora bibiguétacabe Jerusalén nga bizulú bicuícabe yuʼduʼ stiʼ Jiobá. Peru qué nindaa diʼ, ca xhenemígucabe bicueezacaʼ dxiiñaʼ stícabe. Biaʼsi despué de veintidós iza de bibiguétacabe Jerusalén bilúxecabe yuʼduʼ que.
Despué, zazíʼdinu ximodo ribiguetaʼ Esdras guidxi Jerusalén para gunichaahuibe yuʼduʼ que. Ndiʼ gúcani cuarenta y siete iza despué de biluxe yuʼduʼ que. Trece iza despué de ribiguetaʼ Esdras que la? Nehemías gucané guiasa ca lindaa stiʼ Jerusalén. Biaʼsi rizaa ti gayuaa cincuenta y dos iza de historia lu 5 NDAA riʼ.