Xi naquiiñeʼ gúniluʼ

50 Ñulaʼdxuʼ nibanuʼ sin ñuu dxi ñátiluʼ ndaaniʼ paraisu sicarú ca la?

Yanna, biziidiʼ jma de cani na Dios. Biʼniʼ ti stipa guiziidiluʼ gúʼndaluʼ Biblia (Juan 17:3; Apocalipsis 1:3).

51 Biziidiruʼ jma de Jesús (Deuteronomio 18:18, 19; Juan 3:16; Hechos 3:19-23).

52 Biʼniʼ stipa pur guʼnuʼ ni jneza ne guzuubaluʼ stiidxaʼ Jiobá (Romanos 6:17, 18, 22).

53 Bietenalaʼdxiʼ, Jiobá na cadi guutinu binni (Éxodo 20:13; 1 Juan 3:11, 12).

54 Cadi gáxhanu stiʼ binni (Éxodo 20:15; Efesios 4:28).

55 Cadi cuezané, nin gatané tobi hombre ti gunaa, pa caʼruʼ guichaganacaʼ (Éxodo 20:14, 17; 1 Tesalonicenses 4:3).

56 Rietenalaʼdxuʼ panda si xheelaʼ nga na Dios gapa tobi hombre la? Pabiáʼ dxi nga cuezané tobi hombre xheelaʼ yaʼ. (Génesis 2:22, 24; Mateo 19:5, 6; 1 Corintios 7:2, 10, 11.)

57 Laaca bietenalaʼdxiʼ, Jiobá si nga caquiiñeʼ guni adorarnu (Mateo 4:10; 1 Corintios 8:6).

58 Ca bidóʼ ca qué zándadiʼ gacanecaʼ laanu. Xiñee yaʼ. (1 Corintios 8:4.)

Jneza nga gápanu bidóʼ la? (Deuteronomio 27:15; 1 Juan 5:21.)

59 Xiñee malu gápanu amuletu ne xiixa ni runinécabe dañu binni (Deuteronomio 18:10-13; Apocalipsis 21:8).

60 Ca ánjel malu o bazeenduʼ que bicaalúcabe Dios. Riquiiñecabe cani runi brujeriá para quítecaʼ binni (Hechos 16:16).

61 Naquiiñeʼ guni orarnu Dios. Orar nga guiníʼnenu Dios, gábinu laabe racaláʼdxinu gúninu ni nabe, ne guinábanu laabe gacanebe laanu (Filipenses 4:6, 7).

62 Naquiiñeʼ guzuubanu stiidxaʼ Jesús ne gápanu fe laabe (Hebreos 5:9; Juan 3:16).

63 Bietenalaʼdxiʼ, laabe gútibe para gulabe laanu (Romanos 5:8).

64 Bietenalaʼdxiʼ, Jesús nga Rey stinu, ni qué zanda guidúʼyanu. Naquiiñeʼ guzuubanu stiidxabe (Filipenses 2:9-11; Apocalipsis 19:16).

65 Jesús guníʼ guiníʼneluʼ binni de guendanachaʼhuiʼ ni caziidiluʼ, ne tu racalaʼdxiʼ guni ni na Dios naquiiñeʼ chuʼ nisa (Mateo 28:19, 20; Juan 4:7-15).

66 Nga runi lii, zanda guiníʼneluʼ ca xhamíguluʼ de ca guendanachaʼhuiʼ riʼ (Mateo 10:32).

67 Pa guiziidiluʼ gúʼndaluʼ jneza la? zaziidiluʼ jma, ne zacá zanda gacaneuʼ xcaadxi binni (2 Timoteo 2:15).

68 Jesús laaca bisiidibe baʼduxcuidi guzuubacaʼ stiidxaʼ Dios. Neca guyuu xhiiñabe peru guníʼnebe laacaʼ (Mateo 19:13-15).

69 Bixhoze binni riquiiñeʼ gusiidiʼ xiiñiʼ ganaxhii ne guzuuba stiidxaʼ Dios (Deuteronomio 6:6, 7; Proverbios 6:20-22; Efesios 6:4).

70 Nuu stale relijión. Stale de ni rusiidicani cadi zeeda ni lu Biblia. Jiobá rabi laanu guireʼnu de ca relijión ni qué rusiidiʼ ni dxandíʼ (Apocalipsis 18:4; Juan 4:23, 24).

71 Jiobá nápabe lu Guidxilayú riʼ binni ni zanda gusiidicaʼ lii stale de laabe. Nannuʼ tu laacabe la? (Hechos 15:14; Romanos 10:14, 15.)

72 Ca testigu stiʼ Jiobá nga laacabe. Laacaʼ nabanidxidoʼcaʼ. Nannuʼ xiñee la? Purtiʼ nadxiisaacabe (Isaías 43:10-12; Juan 13:34, 35).

73 Riuu nísacaʼ, purtiʼ nadxiicaʼ Jiobá. Zacá ruluíʼcabe binni maʼ bichaa modo bibánicabe, ne racaláʼdxicabe gúnicabe ni na Dios (Hechos 2:41).

74 Ca testigu stiʼ Jiobá cabézacaʼ guibánicaʼ ndaaniʼ ti paraisu nacubi ne sicarú (Salmo 37:9-11, 29).

Xi zanda guʼnuʼ para guibanineu laacabe raqué (Santiago 1:22, 25; 2:20, 26).

75 Biziidiʼ guʼnuʼ ni na Jiobá ne laacabe. Laacabe nadxiicabe, ne ruzuubacabe stiidxaʼ Jiobá ne Jesucristu. Lii yaʼ, nadxiuu laacabe la? Racalaʼdxuʼ gacaneu stobi gunibiáʼ Dios la? (Juan 6:45-47.)

76 Jiobá ne Jesucristu nadxiicaʼ lii, ne racaláʼdxicabe guibanuʼ sin qué chuu dxi gátiluʼ ndaaniʼ ti paraisu (Juan 3:16).

Yanna cumu lii maʼ nannuʼ xiná ca dibuju ne diidxaʼ ni cá lu guiʼchiʼ riʼ la? zándaca maʼ nuuluʼ guiécheluʼ de guendanabani ndaaniʼ Guidxilayú riʼ sin qué guiuu dxi gátiluʼ. Pa racalaʼdxuʼ gannuʼ jma de lani la? guniʼne ti testigu stiʼ Jiobá de xquídxiluʼ. O zanda gucaaluʼ o guinabuʼ stobi gucaa pur lii ra riaʼ guiʼchiʼ riʼ. Biiyaʼ ra guiropa yaza stiʼ guiʼchiʼ riʼ para gannuʼ paraa riaana ni lii jma gaxha.