9 ndaa

Ca xpinni Dios naquiiñeʼ gácacaʼ nayaguieʼ

Xiñee naquiiñeʼ gácanu nayá lu guiráʼ xixé ni gúninu (1)

Xi riníʼ gácanu nayá ora guni adorarnu Dios (2)

Ne gaca guendanabani stinu nayá (3) Ne guendabiaaniʼ stinu nayá (4) Ne gácanu nayá ne ni nápanu (5)

Casi xi diidxaʼ dxabaʼ qué riquiiñeʼ guininu (6)

1. Jiobá naca ti Dios nayaguieʼ. Pur nga runi ribézabe de que cani guni adorar laabe la? gácacaʼ nayá ora guni adorarcaʼ laabe, lu xquendanabánicaʼ, lu xquendabiaanicaʼ, ne guiráʼ ni nápacaʼ (1 Pedro 1:16, NM). Para ganda chuʼnu nayaguieʼ nezalú Dios la? naquiiñeʼ gúninu ti stipa naroʼbaʼ. Nabáninu ndaaniʼ ti guidxilayú nabé nabiidiʼ ne purtiʼ laaca cucaalunu guiráʼ ni racalaʼdxiʼ beela ládinu guni, pur nga runi cadi naquiiñeʼ guidxáganu.

2. Guendanayá ora runi adorarnu: Pa nápanu gana gúninu ni na Dios la? naquiiñeʼ gusaananu guiráʼ ni rusiidiʼ ne ni runi religión ni cadi dxandíʼ. Naquiiñeʼ guireenu ndaaniʼ religión ni cadi dxandíʼ ne cadi chuʼnu pur laani (2 Corintios 6:14-18; Apocalipsis 18:4). Ora laanu maʼ bizíʼdinu ni dxandíʼ stiʼ Dios la? naquiiñeʼ gápanu laanu para cadi quite cani rusiidiʼ ni cadi dxandíʼ ca laanu (2 Juan 10, 11).

3. Guendanabani nayá: Jiobá racalaʼdxiʼ de que cani runi adorar laabe guluiʼcaʼ guiráʼ ora de que dxandipeʼ xpinni Cristu laacaʼ (1 Pedro 2:12). Laabe ruuyabe guiráʼ ni rúninu, dede cani rúninu nagaʼchiʼ (Hebreos 4:13). Naquiiñeʼ guiree cueʼnu de guendarapa xnadxii ne stuudxi ni nayuudxuʼ ni raca ndaaniʼ Guidxilayú riʼ (1 Corintios 6:9-11).

4. Guendabiaaniʼ nayá: Pa guchanu ndaaniʼ íquenu puru ni nayaguieʼ la? xpiaaninu zaca nayá (Filipenses 4:8). Peru pa laanu guiráʼ ora caníʼ íquenu puru guendanayuudxuʼ la? cani nayuudxuʼ ca zucaa cani laanu gúninu ni cadi jneza (Mateo 15:18-20). Naquiiñeʼ gucueezanu guiráʼ ni guni yuudxuʼ xquendabiaaninu. Para nga la? naquiiñeʼ gúʼndanu Stiidxaʼ Dios ti ganda gápanu xquendabiaaninu nayá.

5. Gácanu nayá: Naquiiñeʼ gápanu ládinu nayá zaqueca xhábanu purtiʼ xpinni Cristu ni riníʼ lu lá Dios laanu. Riquiiñeʼ quiibinu nanu despué de chuunu bañu, ante guidoʼnoʼ o ante cánanu guendaró. Pa ti yoo qué gapa bañu, ne binni cheʼ ti ra guiʼxhiʼ la? ni cuibe que la? naquiiñeʼ gucaachibe ni ndaaniʼ yu (Deuteronomio 23:12, 13). Guendanayá ca racaneni chuʼ binni nazaaca. Ca xpinni Cristu la? naquiiñeʼ gaca ralídxicaʼ nayá ne gatachaahuiʼ guiráʼ ni nápacaʼ cásica ndaaniʼ ni zaqueca fuera. Naquiiñeʼ gacabiáʼ binni laacabe pur modo nayácabe.

6. Guendariníʼ nayá: Ca xpinni Dios que riquiiñeʼ gusiguiicaʼ, purtiʼ cani rusiguii la? qué ziuucaʼ ndaaniʼ Reinu stiʼ Dios (Efesios 4:25; Apocalipsis 21:8). Ca xpinni Cristu qué riniʼcaʼ diidxaʼ guidxa, qué ruiʼcaʼ nin rucaadiágacaʼ chiste ni napa diidxaʼ guidxa, o diidxaʼ dxabaʼ. Runibiáʼcabe laacaʼ ra dxiiñaʼ ra scuela ne neza ralídxicaʼ purtiʼ qué riniʼcaʼ diidxaʼ guidxa, o diidxaʼ dxabaʼ (Efesios 4:29, 31; 5:3).

[Dibuju/foto ni zeeda lu yaza 19]

Ca xpinni Dios naquiiñeʼ gácacaʼ nayaguieʼ lu guiráʼ xixé ni gúnicaʼ