12 ndaa

Gusisácanu guendanabani ne rini

Ximodo naquiiñeʼ guidúʼyanu guendanabani (1) Ne guendarutiidiʼ baʼduʼ (1)

Ximodo rusihuinni ca ni zinanda Cristu de que rápacaʼ xquendanabánicaʼ (2)

Ñee jneza guutinu maniʼ la? (3)

Xi guiráʼ runi binni ni ruluíʼ qué rusisaca xquendanabani (4)

Xi caníʼ ley stiʼ Dios de rini (5)

Ñee laaca zeeda guendaricá rini luni la? (6)

1. Ra nuu Jiobá Cadá guendanabani. Guiráʼ ni nabani la? nuzaabicaʼ xquendanabánicaʼ Dios (Salmo 36:9). Guendanabani la? risácani stálepeʼ nezalú Dios, dede guendanabani stiʼ ti baʼduhuiiniʼ ni nuuruʼ ndaaniʼ xpidxana jñaa ni caʼruʼ gale risácani stálepeʼ nezalú Jiobá. Para Dios la? cadi jneza diʼ de que ti binni laapeʼ guuti ti baʼduhuiiniʼ ni deruʼ cayáʼ (Éxodo 21:22, 23; Salmo 127:3).

2. Ca ni zinanda Cristu rápacabe xquendanabánicabe. Pur nga la? rápacabe lídxicabe ne xcárrucabe para cadi gúnini xiixa ni naxoo (Deuteronomio 22:8). Ca xpinni Dios la? qué ruguucabe xquendanabánicabe ra naxoo purtiʼ si nápacabe gana o purtiʼ si riuláʼdxicabe. Pur nga runi qué riguítecabe xiixa ra gacanácabe o ra gacaná stobi. Rireecuéʼcabe de intiica guendariguite ni ziné laacabe lu guendaridinde (Salmo 11:5; Juan 13:35).

3. Ni Bizáʼ laanu la? laaca rusisaca guendanabani stiʼ ca maniʼ ca. Ca ni zinanda Cristu la? zanda guuticaʼ manihuiiniʼ para gocaʼ, cuáquicaʼ guidiládime o pur gápacaʼ laacaʼ de guendahuará, ne ora gacaláʼdxicame guninácame binni (Génesis 3:21; 9:3; Éxodo 21:28; Marcos 1:6). Peru cadi jneza diʼ guninácabe ca manihuiiniʼ ca nin guuticabe laacaʼ purtiʼ si riuláʼdxicabe (Proverbios 12:10).

4. Guendariguʼbaʼ gueza, guendariguʼbaʼ guixi cadi jneza diʼ cani para ti xpinni Cristu. Purtiʼ guiráʼ cani la? 1) rundiibi cani binni, 2) runi huará cani laacaʼ ne 3) nayuudxuʼ cani (Romanos 6:19; 12:1; 2 Corintios 7:1). Gusaananu guiráʼ ni maʼ biaanu gúninu la? zándaca gácani nagana, peru pa nápanu gana chulaʼdxiʼ Jiobá ni cayúninu la? naquiiñeʼ gúninu ni.

5. Nezalú Dios risaca rini ca stálepeʼ. Laabe nabe de que alma o guendanabani stinu nuuni lu rini. Pur nga runi cadi jneza diʼ go binni rini. Zaqueca go binni beela stiʼ ti maniʼ ni qué nixii rini stiʼ. Pa ti maniʼ bixii yanni o gútime lu ti trampa la? cadi naquiiñeʼ gócabe laa. Pa gútime ne ti guié o de ti balasu la? naquiiñeʼ guixii rini stime para ganda gócabe laame (Génesis 9:3, 4; Levítico 17:13, 14; Hechos 15:28, 29).

6. Ñee jneza nga guicanu rini la? Bietenalaʼdxiʼ, Jiobá canabaʼ gucueezanu ni. Ndiʼ riníʼ cadi naquiiñeʼ guidoʼno, nin guideʼnu ne nin guicanu ni, neca ñácani rini stinu ni maʼ biaapaʼ (Hechos 21:25). Pur nga runi, ca ni dxandíʼ xpinni Cristu laa la? qué ricacaʼ rini, peru rinácabe icaacabe sti remediu ni gudii doctor laacabe casi cani cadi nuchaʼ rini. Nápacabe gana guibánicabe, peru qué zunidíʼcabe pur gulácabe xquendanabánicabe pa nánnacabe zucheenécabe ley stiʼ Dios (Mateo 16:25).

[Dibuju/foto ni zeeda lu yaza 25]

Pa nápanu gana chulaʼdxiʼ Jiobá ni cayúninu la? naquiiñeʼ gucueezanu de guicanu rini, cúbanu gueza ne cadi cuʼnuʼ xquendanabáninu ra naxoo