16 ndaa

Gudixhe ique guʼnuʼ ni na Dios

Xi naquiiñeʼ guʼnuʼ para gaca xhamíguluʼ Dios (1, 2)

Ximodo zanda gudiiluʼ lii Dios (1)

Pora naquiiñeʼ chúʼnisaluʼ (2)

Ximodo zanda guicaaluʼ stipa para qué gucheeneluʼ Dios (3)

1. Para gaca xhamíguluʼ Dios la? naquiiñeʼ gánnaluʼ de lu Stiidxabe (1 Timoteo 2:3, 4), gápaluʼ fe guiráʼ cani maʼ biziidiluʼ (Hebreos 11:6), gaca arrepentirluʼ de guiráʼ guendaruchee ni maʼ biʼnuʼ (Hechos 17:30, 31) ne maʼ cadi gúniluʼ guiráʼ ni cadi jneza bíʼniluʼ dxiqué (Hechos 3:19). Despué la? guendarannaxhii ni napuʼ Dios ca naquiiñeʼ gucaani lii gudiiluʼ lii laabe. Nga riníʼ guiníʼneluʼ Dios stúbiluʼ lu ti oración ra gaʼbuʼ laabe chigudiiluʼ xquendanabániluʼ para guʼnuʼ ni nabe (Mateo 16:24; 22:37).

2. Despué de maʼ biziiduʼ ne maʼ bidiiluʼ lii Dios la? naquiiñeʼ chúʼnisaluʼ (Mateo 28: 19, 20). Guendariuunisa ca la? rusihuinni ni de que maʼ bidiiluʼ xquendanabániluʼ Jiobá. Pur nga runi riuunisa ca ni huaniisi ni maʼ zanda quixhe ique guni ni na Dios. Ora tobi chúʼnisa la? naquiiñeʼ guiaaziʼ guidubinaca ndaaniʼ nisa ti ratuhuiiniʼa (Marcos 1:9, 10; Hechos 8:36).

3. Ora lii maʼ bidiiluʼ lii Jioba la? ribézabe guibániluʼ modo maʼ bizabiruaaluʼ (Salmo 50:14; Eclesiastés 5:4, 5). Binidxabaʼ zuyubi ximodo gusaanuʼ de guʼnuʼ ni na Jiobá (1 Pedro 5:8). Peru bidxiña ra nuu Dios ne oración (Filipenses 4:6, 7). Biindaʼ Stiidxabe guiráʼ dxi (Salmo 1:1-3). Cadi guixeluʼ de ca binni ridagulisaaneluʼ (Hebreos 13:17). Pa guʼnuʼ guiráʼ ndiʼ la? Zacaaluʼ stipa para qué gucheeneluʼ Dios. Zanda guʼnuʼ ni canabaʼ Dios lii yanna ne ora guibanuʼ sin qué guiuu dxi gátiluʼ.

[Cani cá ñee yaza]