Tuu nga Jesús

Jiobá biseendaʼ Jesús lu Guidxilayú riʼ (1 Juan 4:9)

Ante guzáʼ Jiobá Adán, maca bizaʼbe ti ángel guibáʼ. Ángel riʼ napa stale poder. Jiobá laaca racalaʼdxiʼ gucaadiáganu ángel risaca ni bizaʼbe ca.

Despué de bizáʼ Dios laabe, biʼniʼ ti milagru para beeda gálebe lu Guidxilayú riʼ. Ti binnidxaapaʼ ni láʼ María gupa laabe. Biree labe Jesús (Juan 6:38).

Biaʼ dxi bibani Jesús lu Guidxilayú riʼ, guca nachaʼhuiʼ ne gunnaxhii binni cásica Jiobá. Ngue runi, guyuulaʼdxiʼ binni guidxiña laabe. Ne qué nidxíbibe ora bisiidibe ximodo nga Dios.

Neca biʼniʼ Jesús stale cosa galán, gucananalaʼdxiʼ stale binni laabe (1 Pedro 2:21-24)

Laaca bisiándabe binni ne gundísabe chupa chonna ni maʼ guti.

Guca nanalaʼdxiʼ ca xaíque yuʼduʼ que Jesús purtiʼ guniʼbe cusiguiicaʼ binni ne cadi cayúnicaʼ ni jneza.

Ca xaíque yuʼduʼ que bicaacabe ca romanu guninacaʼ ne guuticaʼ Jesús.