Ra ruzulú sección 9

Lu sección riʼ zazíʼdinu de xcuidi, profeta ne rey ni bisihuínnicaʼ guizáʼ naroʼbaʼ fe gúpacaʼ Jiobá. Ndaaniʼ guidxi Siria guyuu ti dxaapahuiiniʼ ni biʼniʼ cré zusianda profeta stiʼ Jiobá Naamán. Gupa profeta Eliseo confianza zulá Jiobá laa de ti ejércitu enemigu. Guluu sumo sacerdote Jehoiadá xquendanabani ra naxoo para gulá ti baʼduhuiiniʼ ni láʼ Jehoás de lu náʼ jñaabiidaʼ, ti gunaa guizáʼ mala ni láʼ Atalía. Gupa rey Ezequías confianza zulá Jiobá Jerusalén ne qué ñaca rendirbe ora bicaalú ca asiriu que Jerusalén. Bicueeza rey Josías de ñuni adorar binni ca dios falsu ni nuu ndaaniʼ guidxi que, biʼniʼ chaahuibe templu que ne gucanebe guidxi que guni adorarcaʼ Jiobá sti biaje.