LECCIÓN 4

Introducción galán para ca textu stiʼ Biblia

Mateo 22:41-45

RESUMEN: Biʼniʼ preparar xquendabiaaniʼ ca binni cucaadiaga lii ante gúʼndaluʼ ti textu zeeda lu Biblia.

Guníʼ ique xiñee chiguundaluʼ ti textu. Ante gúʼndaluʼ ni, guníʼ xiixa ni gacané cani cucaadiaga lii gúʼyacaʼ xi idea nga nuuluʼ gusihuínniluʼ dxandíʼ risaca.

Biiyaʼ contextu stini. Bizeeteʼ tu binni guníʼ ca diidxaʼ zeeda lu textu ca, ne tu bicaa libru stiʼ Biblia ni cayuundaluʼ.
Bisihuinni napa Biblia autoridad. Ora guiníʼneluʼ binni ni runi cré Dios, bisihuinni Biblia nga «Stiidxaʼ Dios», zacá zudii binni cuenta de Dios nga zeeda guiráʼ ni rusiidiʼ ni.
Bicuaaniʼ interés stiʼ cani cucaadiaga lii pur ti textu zeeda lu Biblia. Biʼniʼ ti pregunta ni guicabi textu ca, bizeeteʼ ti guendanagana ni zanda guni chaahuiʼ textu ca o guníʼ ti principiu zeeda lu Biblia ni cusiidiʼ relatu ca.

Bietenalaʼdxiʼ xi maʼ nanna cani cucaadiaga lii de tema ne de textu ni zeeda lu Biblia ca. Biyubi modo chuuláʼdxicabe textu ni chiguundaluʼ riʼ, neca maca runibiáʼcabe ni, ne gucané laacabe guiénecabe ni jma jneza o gúʼyacabe xi xcaadxi cosa rusiidiʼ ni laacabe.