CANCIÓN 159
Zusisacaʼ lii Jehová
(Salmo 96:8)
1. Nabé nandxoʼloʼ Jehová Dios,
gasti’ stobi casi lii.
¿Ximodo ndi’ zanda quixe’
guirá’ ni huayu’nu’ pur naa?
Ora ruuya’ ni biza’lu’
ruuya’ poder stilu’ Dios.
Neca pe’ naa qué risaca’,
guirá’ dxi nga nadxiilu’ naa.
(ESTRIBILLO)
Dios Jehová, cayuunda’ para lii,
para gusisaca’ lii.
Dios nuu guibá’, lii nga Dios sti’ guirá’.
Lii nga Rey ni nuu guibá’.
Zusisaca’ lii Jehová.
2. Stilu’ nga xquendanabane’,
zabane’ para si lii.
Zaniee’ lii nga Dios nacha’hui’,
naquiiñe’ gusisaca’ lii.
Gune’ ni nalu’ Jehová Dios,
rusiécheni ladxiduá’.
Lii nga rudiilu’ naa stipa,
lii rábilu’ naa neza chaa’.
(ESTRIBILLO)
Dios Jehová, cayuunda’ para lii,
para gusisaca’ lii.
Dios nuu guibá’, lii nga Dios sti’ guirá’.
Lii nga Rey ni nuu guibá’.
Zusisaca’ lii Jehová.
3. Nuu nisadó’ ne ca dani,
gubidxa ne beleguí.
Ridxagayaa’ de guirani,
rihuinni guizá’ nadxiuu’ naa.
Lii nga ti Dios ni nuu xpiaani’,
nápalu’ stale poder.
Lii, Dios Jehová, zusisaca’
pur guirá’ xixé ni bizou’.
(ESTRIBILLO)
Dios Jehová, cayuunda’ para lii,
para gusisaca’ lii.
Dios nuu guibá’, lii nga Dios sti’ guirá’.
Lii nga Rey ni nuu guibá’.
Zusisaca’ lii Jehová.
(Laaca zanda gúʼndaluʼ Sl 96:1-10; 148:3, 7).