Modo gaca reunión Xhiiñaʼ Dios ne modo nabáninu

Índice

1. Lu documentu riʼ zeeda ca instrucción ni naquiiñeʼ chinanda ca ni ridiʼdiʼ lu reunión Xhiiñaʼ Dios ne modo nabáninu. Ne ante guni prepararluʼ asignación stiluʼ naquiiñeʼ gúʼndaluʼ ni zeeda lu Ni chigaca lu reunión Xhiiñaʼ Dios ne modo nabáninu para gánnaluʼ ximodo gutiidiluʼ ni. Naquiiñeʼ gaca animar guiráʼ ca publicador para gutiidicaʼ asignación estudiantil lu reunión riʼ. Ca binni ni maʼ qué riaadxaʼ ca reunión stinu la? zanda guni participarcaʼ pa maʼ runi crecaʼ guiráʼ ni rusiidiʼ Biblia ne pa maʼ nabánicaʼ modo ná ca principiu ni naquiiñeʼ chinanda ca xpinni Cristu. Pa nuu tuuxa maʼ racalaʼdxiʼ tidiʼ lu plataforma ne caʼruʼ gaca publicador la? zuundané superintendente stiʼ reunión Xhiiñaʼ Dios ne modo nabáninu laabe ca requisitu ni naquiiñeʼ guni cumplirbe ne despué zabi laabe pa runi cumplirbe ca ni. Ora guiniʼné superintendente riʼ laabe, laaca naquiiñeʼ chuʼ binni ni rudii laabe estudiu (o zanda chuʼ bixhózebe o jñaabe ni naca Testigu). Ca requisitu riʼ nga ni naquiiñeʼ guni cumplir tuuxa ni racalaʼdxiʼ gaca publicador ni caʼruʼ chúʼnisa (od-S cap. 8 párr. 8).

CA DIIDXAʼ GUZULUNÉ NI

2. Ti minutu. Despué de guiuundaʼ canción ne gaca ti oración, zuzeeteʼ presidente stiʼ reunión Xhiiñaʼ Dios ne modo nabáninu chupa chonna puntu ni zeeda lu programa stini para gucuaaniʼ interés stiʼ auditorio. Zuzeetebe ca puntu ni jma zacané ca hermanu de congregación.

CA TESORO ZEEDA LU BIBLIA

3. Discursu (10 minutu). Lu Ni chigaca lu reunión zeeda título stini ne laaca zeeda chupa o chonna puntu principal. Ti ancianu o ti siervu ministerial capacitadu nga gudii discursu riʼ. Cada biaje guzulú guiuundaʼ ti libru stiʼ Biblia, zadiʼdiʼ ti videu ni gusiene de laani. Hermanu gudii discursu riʼ zanda guzeeteʼ xiixa ni bihuinni lu videu riʼ para gusiene tema stiʼ discursu ca, peru naquiiñeʼ gusiene ca puntu ni zeeda lu Ni chigaca lu reunión. Ne pa gudii tiempu la? zanda iquiiñebe ca imagen ni maʼ guca preparar para gusaabe información ni chiguni presentarbe. Zanda iquiiñebe xiixa información ni cadi zeeda lu sección riʼ, peru pa dxandíʼ zacaneni para gusiénebe tema stiʼ asignación riʼ.

4. Guyúbinu ca perla ni gaʼchiʼ (10 minutu). Naquiiñeʼ tidiʼ asignación riʼ pur pregunta ne respuesta, peru qué zaniʼbe gastiʼ ora guzulube nin ora guilúxebe. Ti ancianu o ti siervu ministerial capacitadu nga gutiidiʼ asignación riʼ. Naquiiñeʼ guni hermanu riʼ guiropaʼ pregunta stini. Maʼ hermanu riʼ guʼyaʼ pa ziuundaʼ ca versículo ni zeeda lu sección riʼ. Naquiiñeʼ guindaa comentariu stiʼ ca hermanu 30 segundu o menu.

5. Ra guiuundaʼ Biblia (4 minutu). Naquiiñeʼ gutiidiʼ ti hermanu asignación riʼ. Zuundabe ca versículo nexheʼ guiuundaʼ para semana ca, peru qué zaniʼbe gastiʼ ora guzulube nin ora guilúxebe. Jma naquiiñeʼ gucaa ique presidente stiʼ reunión riʼ gacané estudiante riʼ para ganda guiene ni cayuundaʼ, guʼndaʼ jneza, cadi gucá ruaa ora maʼ cayuundaʼ, guni ni né naturalidad, ganna pora gudxiibaʼ lu ridxi stiʼ ne pora guindeteʼ ni, ganna paraa naquiiñeʼ guni pausa ne paraa nuu ca diidxaʼ ni naquiiñeʼ guʼndaʼ né énfasis. Nuu biaje nachucu o ziuulaʼ ra raca caber guiuundaʼ Biblia, nga runi naquiiñeʼ guietenalaʼdxiʼ superintendente stiʼ reunión Xhiiñaʼ Dios ne modo nabáninu modo ruundaʼ cada estudiante ante gudiibe laacaʼ xiixa asignación.

GUSÍʼDINU JMA JNEZA

6. (Quince minutu). Guca sección riʼ para guni practicarnu ne para guni mejorarnu modo guzulú guinínenu binni, modo runi predicarnu ne modo rusíʼdinu. Ne pa caquiiñeʼ la? laaca zanda guicaa ca ancianu xiixa asignación estudiantil. Naquiiñe’ chinanda ca estudiante lección sti’ folletu Gusíʼdinu ne guidúʼndanu o Gunnaxhii binni ni zeeda ndaani’ paréntesis para asignación stica’. Nuu semana ziuu asignación ra zanda guicabi ca ni cucaadiaga, ne ti ancianu o ti siervu ministerial capacitadu nga naquiiñeʼ gutiidiʼ ni (biiya’ párrafo 15 ni cusiene ximodo naquiiñe’ tidi’ asignación ra zanda guicabi ca ni cucaadiaga).

7. Bizulú guniʼné binni. Zanda gutiidiʼ ti hermanu o ti hermana asignación riʼ. Pa gutiidiʼ ti hermana ni la? napa xidé tidiné sti hermana o tobi de ca familia stiʼ. Zanda cuícabe o guzuhuaacabe. (Para gánnalu’ xi chigúnilu’ lu asignación stilu’ ne ximodo chiguni predicarlu’, biiya’ párrafo 12 ne 13).

8. Biʼniʼ revisita. Zanda gutiidiʼ ti hermanu o ti hermana asignación riʼ. Pa gutiidiʼ ti hermanu ni la? napa xidé tidiné sti hermanu, qué zanda diʼ tidiné ti gunaa (km-S 5/97 yaza 2). Zanda cuícabe o guzuhuaacabe. Napa xidé gusihuinni estudiante riʼ xi guininu ora chigánnanu tuuxa ni bisihuinni interés primé biaje gunínenu laa. (Para gánnalu’ xi chigúnilu’ lu asignación stilu’ ne ximodo chiguni predicarlu’, biiya’ párrafo 12 ne 13).

9. Biʼniʼ discípulo. Zanda gutiidiʼ ti hermanu o ti hermana asignación riʼ. Pa gutiidiʼ ti hermanu ni la? napa xidé tidiné sti hermanu, qué zanda diʼ tidiné ti gunaa (km-S 5/97 yaza 2). Zanda cuícabe o guzuhuaacabe. Lu asignación riʼ zahuinni ti partehuiiniʼ stiʼ ti estudiu ni maʼ bizulú. Cadi caquiiñeʼ diʼ guiniʼbe xiixa para guzulube ne para guilúxebe, peru zúnibe ni pa cayúnibe dxiiñaʼ lu xiixa lección ni caní’ de introducción o conclusión. Cadi caquiiñeʼ peʼ guiuundaʼ guiráʼ información stini en voz alta, peru laaca zanda gaca ni.

10. Bisiene ni runi creluʼ. Pa ti discursu ni la? naquiiñe’ gutiidi’ ti hermanu ni. Pa ti demostración ni la? zanda tidi’ ti hermanu o ti hermana. Pa gutiidiʼ ti hermana ni la? napa xidé tidiné sti hermana o tobi de ca familia stiʼ. Naquiiñe’ ganna estudiante ri’ modo guicabi ne chinanda referencia ni zeeda para asignación ca ti ganda gusiene pregunta ca jneza. Ma’ estudiante ca gu’ya’ pa zuzeete’ publicación sti’ referencia ca.

11. Discursu. Ti hermanu nga naquiiñeʼ gutiidiʼ asignación riʼ ne naquiiñeʼ tidiʼ ni casi ti discursu. Pa biree asignación ri’ lu apéndice A sti’ folletu Gunnaxhii binni, caquiiñe’ guluí’ estudiante ca ximodo zanda íquí’ñenu ca versículo ni caní’ de tema ca ora guni predicarnu. Zanda gusiénebe xi riní’ ti versículo, paraa o ximodo zanda iquí’ñenu ni para guca’nu binni guiní’ ique. Ora guiree asignación ri’ lu xiixa lección sti’ folletu ca la? naquiiñe’ gusiénebe ximodo zanda iquí’ñenu información ca ora guni predicarnu. Ne pa cayuuyabe caquiiñe’ gusiénebe ejemplu ni zeeda lu punto 1 sti’ lección ca o xiixa versículo ni zeeda luni la? zanda gúnibe ni.

12. Ni chiguni estudiante. Ca instrucción ni zeeda lu párrafo ri’ ne lu stobi ca, caní’ ca ni de ca asignación «Bizulú guniʼné binni» ne «Biʼniʼ revisita». Pa cadi zeeda xiixa instrucción gadxé la? ni chigúnibe nga chigusiénebe xiixa ni zeeda lu Biblia ni cadi nagana, ni zanda gacané ni cucaadiaga laabe ti ganda guiníʼnebe laa sti biaje. Maʼ estudiante ca cuí xidé guiníʼ, peru ni caquiiñeʼ ne ni dxandíʼ peʼ zacané ca binni ni nabeza lu territorio stiʼ. Maʼ laabe gúʼyabe pa zaquiiñebe ti publicación o ti videu ni zeeda lu kit de enseñanza. Lugar de guiziidiluʼ ti presentación de memoria, ni jma galán zanda gúniluʼ nga guiniʼluʼ modo ca riniʼluʼ ne gusihuínniluʼ dxandíʼ rizaaláʼdxiluʼ binni pur modo guiníʼneluʼ laacaʼ.

13. Ximodo chiguni predicar estudiante ca. Zanda gaca tocar ti estudiante tobi de ca puntu ni zeeda raríʼ ne naquiiñeʼ gúnibe ni casi raca predicar lu territorio stibe. Ndiʼ nga laacani:

1) De yoo pur yoo: Laani nga ora runi predicarnu ra lidxi binni (zanda gaca ni ra puertaʼ lídxibe, pur teléfono o pur carta) ne ora riyúbinu guinínenu laacaʼ sti biaje.
2) Predicación informal: Laani nga ca oportunidad ni rápanu para guinínenu binni ora tiica si ne intiica si ni cayúnicaʼ, zanda guidúʼndanenu laacabe ti textu de lu Biblia laga nuunu ra dxiiñaʼ, ra scuela, zanda guinínenu ca vecinu stinu, o pa ziuunu ndaaniʼ carru pasaje o xcaadxi lugar.
3) Predicación né exhibidor: Laca laani nga ora runi predicarnenu carruhuiiniʼ, ora runi predicarnu ndaaniʼ ca negocio, lu calle, ndaaniʼ parque, ndaaniʼ ca estacionamientu ne xcaadxi lugar ra nuu binni.

14. Modo iquiiñeluʼ videu ne publicación. Pa ganda la? maʼ estudiante ca guʼyaʼ pa zuluíʼ ti videu o ti publicación. Pa lu asignación ca zeeda guluiʼbe ti videu o pa rábibe chiguiquiiñebe ti videu la? Cadi naquiiñeʼ quíxhebe ni, peru zanda guzeetebe ne guiniʼbe de laani.

MODO RÚNINU XHIIÑAʼ DIOS

15. Zuzulú sección riʼ né ti canción. Lu ca primé 15 minutu ca zándaca zadiʼdiʼ tobi o chupa asignación ra zusiidicabe laanu ximodo gúninu ni ná Stiidxaʼ Dios lu xquendanabáninu. Pa cadi zeeda xiixa instrucción gadxé la? siempre zutiidiʼ ti ancianu o ti siervu ministerial capacitadu ni. Ca ancianu si nga naquiiñeʼ gaca asignar para gutiidicaʼ ni caquiiñeʼ congregación. Ora zeeda ti tema ra zanda guicabi ca ni cucaadiaga la? hermanu ni chigutiidiʼ asignación ca zanda guni xcaadxi pregunta ni cadi zeeda luni. Zanda gúnibe ti introducción nachucu ti gudii tiempu laabe gusiénebe ca puntu jma risaca ne ganda guni comentar ca ni cucaadiaga laabe. Pa zeeda ti entrevista luni ne pa zanda la? jma galán quibaʼ ni chigaca entrevistar ca lu plataforma que guicabi de ra zuba.

16. Reunión ra riuundaʼ Biblia. (30 minutu). Naquiiñeʼ gutiidiʼ ti ancianu capacitadu ni (pa huaxiéʼ ancianu nuu ndaaniʼ ti congregación la? zanda iquiiñeʼ ca siervu ministerial capacitadu). Cuerpu de ancianu nga guʼyaʼ tuu nga ca hermanu nuu capacitadu para gutiidiʼ asignación riʼ. Ca hermanu ni gaca aprobar, cadi naquiiñeʼ tídicaʼ de tiempu, naquiiñeʼ gusiénecaʼ ca textu clave ne gacanecaʼ ca ni cucaadiaga guidxélacaʼ modo gúnicaʼ ni biziidicaʼ. Para ganda gúnicabe ni la? zanda gúʼndacabe información ni cusiene ximodo zanda gutiidicabe ca asignación ra zanda guicabi ca ni cucaadiaga (w23.04 yaza 24, cuadru). Pa maʼ bisiene chaahuitu información ni raca caber gaca estudiar semana ca la? cadi caquiiñeʼ diʼ guyúbitu xiruʼ guiniʼtu para si gusaatu 30 minutu. Pa ganda la? cada semana naquiiñeʼ tidiʼ gadxé gadxé hermanu para guni conducir ne ni gaca lector. Ora guinabaʼ presidente stiʼ reunión conductor riʼ cuee tiempu lu asignación riʼ la? maʼ conductor riʼ nga guʼyaʼ ximodo guni ni. Ti modo zanda gúnibe ni nga cadi guiuundaʼ chupa chonna párrafo.

CA DIIDXAʼ GUILUXENÉ NI

17. Chonna minutu. Zuni presidente stiʼ reunión riʼ ti repasu stiʼ ca idea jma risaca ni biete lu reunión. Laaca zucuaanibe interés stiʼ ca hermanu para reunión stiʼ sti semana ni zeeda ca. Pa gudii tiempu la? zanda guzeetebe lá ca estudiante ni chigutiidiʼ discursu sti semana zeeda ca. Pa cadi zeeda xiixa instrucción gadxé la? zudii presidente riʼ xiixa anunciu o zuundaʼ xiixa carta lu repasu stiʼ reunión riʼ. Ca actividad stiʼ congregación, casi ca horariu de predicación ne ca grupu ni raca caber guni limpieza, maʼ qué zaníʼcabe ni dede lu plataforma, sínuque zacá ni lu tableru. Pa qué zudii tiempu para gaca anunciu ne para guiuundaʼ xiixa carta la? zanabaʼ presidente stiʼ reunión riʼ ca hermanu ni napa asignación lu sección «Modo rúninu xhiiñaʼ Dios» cueecaʼ tiempu lu discursu sticaʼ (biiyaʼ párrafo 16 ne 19). Ziuundaʼ ti canción ne zaca ti oración para guiluxe reunión riʼ.

DIIDXAʼ NI UGUU GANA NE CONSEJU

18. Tidiʼ si cada tobi de ca asignación estudiantil, zaquiiñeʼ presidente stiʼ reunión riʼ biaʼ ti minutu para guni felicitar cada estudiante ne zudiibe laacaʼ conseju ni zeeda lu lección ni raca caber laabe gúnibe dxiiñaʼ. Ora guiníʼ presidente riʼ maʼ chitidiʼ ti asignación la? cadi naquiiñeʼ guiníʼ xi lección zinanda estudiante ca. Guiluxe si estudiante riʼ, zuni felicitar presidente ca laabe, de racá maʼ zanda guzeeteʼ xi lección yenándabe ne zaníʼ xiñee biaʼsi modo gudíʼdibe o zuyubi modo gabi laabe paraa naquiiñeʼ guni mejorarbe. Laaca zanda guzeeteʼ presidente riʼ xiixa ni biʼyaʼ lu demostración ca, ni rabi zanda gacané estudiante ca o auditorio. Guiluxe si reunión o sti ora la? zanda gudii presidente riʼ xiixa conseju ni zanda gacané estudiante ca, ne gaca basar ni lu folletu Gunnaxhii binni, Gusíʼdinu ne guidúʼndanu o lu libru Benefíciese. Zanda gudiibe conseju estudiante ca de lección ni yenanda o de sti lección, peru gaca ni privadu (biiyaʼ párrafo 19, 24, ne 25 para gánnaluʼ gunáʼ nga ca dxiiñaʼ napa presidente stiʼ reunión Xhiiñaʼ Dios ne modo nabáninu ne xi dxiiñaʼ napa consejeru auxiliar).

TIEMPU

19. Nin ti asignación cadi naquiiñeʼ tidiʼ de tiempu ni maʼ nexheʼ para laani (dede nin ni guiníʼ presidente). Neca cá xi tiempu naquiiñeʼ tidiʼ cada asignación la? zanda guilúxebe ante de tiempu pa maʼ bisiene chaahuibe información ni cutiidibe. Pa tidiʼ ca hermanu o ca hermana de tiempu lu asignación ni raca caber laacaʼ la? zaniʼné consejeru auxiliar laacaʼ, peru gaca ni privadu (biiyaʼ párrafo 24 ne 25). Guidubi naca programa riʼ zandaa ni 1 hora ne 45 minutu, maca né canción ne oración.

VISITA STIʼ SUPERINTENDENTE DE CIRCUITO

20. Ora chuʼ visita stiʼ superintendente de circuito, zinándanu programa stiʼ Ni chigaca lu reunión, xi si la? zadxaa chupa chonna cosa. Maʼ qué zaca diʼ «Reunión ra riuundaʼ Biblia», lugar stini zudii superintendente de circuito riʼ ti discursu de serviciu de 30 minutu. Ante tidiʼ discursu riʼ, zuni presidente stiʼ reunión riʼ ti repasu stiʼ programa riʼ, zuzeeteʼ xiixa puntu ni zadúʼyanu sti semana ca, zuzeetebe ca anunciu ni caquiiñeʼ ne zuundabe ca carta ni caquiiñeʼ guiuundaʼ, de racá maʼ zuni presentarbe superintendente de circuito. Guiluxe si superintendente de circuito discursu stiʼ, zunduuxeʼ reunión riʼ né ti canción ni maca gulí. Zanda guni invitar superintendente de circuito sti hermanu para guni oración. Qué ziuu diʼ clase auxiliar lu idioma stiʼ congregación ora chuʼ visita. Ca grupu ni riníʼ sti idioma zanda gúnicaʼ reunión sticaʼ neca napa congregación anfitriona sticaʼ visita. Peru naquiiñeʼ gucaadiágacaʼ discursu de serviciu ni chigudii superintendente de circuito para congregación.

SEMANA NUU ASAMBLEA

21. Qué zapa diʼ congregación nin ti reunión semana chigaca ti asamblea. Zusietenaláʼdxicabe ca hermanu de congregación guni estudiarcaʼ información ni chiguiuunda semana ca.

SEMANA NUU CONMEMORACIÓN

22. Ora guiaba Conmemoración ndaaniʼ semana, qué zaca diʼ reunión Xhiiñaʼ Dios ne modo nabáninu.

SUPERINTENDENTE STI’ REUNIÓN XHIIÑA’ DIOS NE MODO NABÁNINU

23. Cuerpu de ancianu nga cuí ti ancianu para gaca superintendente. Dxiiñaʼ stibe nga gúʼyabe gaca reunión riʼ jneza ne gaca ni casi ná ca instrucción zeeda raríʼ. Gatigá naquiiñeʼ guiníʼnebe consejeru auxiliar. Casi peʼ guʼyaʼ superintendente riʼ maʼ nuu ti Ni chigaca lu reunión la? naquiiñeʼ gudiibe guiráʼ asignación stiʼ guiropaʼ beeu ca. Lade ca asignación ca zeeda ca asignación estudiantil, ca ni cadi estudiantil ne stiʼ ca ni chigaca presidente ca semana ca. Naquiiñeʼ gutiidiʼ ca hermanu si ni maʼ biʼniʼ aprobar cuerpu de ancianu guiropaʼ ni biete últimu ca (biiyaʼ párrafo 3-16 ne 24). Ante guni superintendente riʼ ca asignación ca (ca estudiantil ne ca ni cadi estudiantil) naquiiñeʼ gúʼyabe biaʼ iza nápacaʼ, experiencia nápacaʼ ne pa zanda gusiénecaʼ xiixa tema. Naquiiñeʼ gaca entregar ca asignación ca biaʼ chonna semana ante. Ne para gudiibe ca asignación estudiantil zaquiiñebe formulariu Asignación para reunión Xhiiñaʼ Dios ne modo nabáninu (S-89). Ne naquiiñeʼ gúʼyabe guicá programa stiʼ reunión riʼ lu tableru. Zanda guni asignar cuerpu de ancianu sti ancianu o ti siervu ministerial para gacané laabe. Peru ca ancianu si nga naquiiñeʼ guni asignarcaʼ ca asignación ni cadi estudiantil.

PRESIDENTE STIʼ REUNIÓN XHIIÑAʼ DIOS NE MODO NABÁNINU

24. Cada semana ziuu ti ancianu ni gaca presidente stiʼ guidubi reunión Xhiiñaʼ Dios ne modo nabáninu (ndaaniʼ ca congregación ra huaxiéʼ ancianu la? zanda iquiiñeʼ ca siervu ministerial capacitadu). Naquiiñeʼ quixheʼ chaahuiʼ presidente riʼ xi guiníʼ lu introducción ne conclusión stiʼ reunión riʼ. Naquiiñeʼ guni introducirbe guiráʼ asignación, ne pa huaxiéʼ ancianu la? naquiiñeʼ gaca encargarbe de xiixa asignación, casi ra naquiiñeʼ tidiʼ ti videu si. Cadi naquiiñeʼ guiniʼbe stale diidxaʼ ora maʼ biluxe ti asignación ne ante guzulú stobi. Cuerpu de ancianu nga guiníʼ gunáʼ de ca ancianu nuu capacitadu para guni dxiiñaʼ riʼ. Naquiiñeʼ gaca turnar ca hermanu ni gaca nombrar. Según modo nuu cada congregación la? stale biaje superintendente stiʼ reunión riʼ nga hermanu ni jma stale biaje guni presidir que xcaadxi ancianu. Stale biaje, pa runi calificar ti ancianu para gutiidiʼ «Reunión ra riuundaʼ Biblia» ndaaniʼ congregación, zándaca laaca runi calificarbe para gácabe presidente stiʼ reunión riʼ. Peru cadi guiaandaʼ laatu, hermanu guni presidir reunión riʼ naquiiñeʼ ganna guni felicitar cada estudiante ne gudii conseju né diidxaʼ nadóʼ. Laaca naquiiñeʼ gúʼyabe guiluxe reunión riʼ hora nexheʼ guiluxe ni (biiyaʼ párrafo 17 ne 19). Pa nuu lugar lu plataforma ne pa guinabaʼ presidente riʼ ni la? zanda guzuhuaa ti micrófono lu plataforma ni iquiiñebe para guni presentarbe ca estudiante laga cuzuhuaa chaahuicaʼ ra nuu atril. Laaca zanda gúnitu sti cosa para cadi guiniti stale tiempu, zanda cuí presidente riʼ ruaa ti mexaʼ lu plataforma ora tidiʼ asignación ra guiuundaʼ Biblia ne sección ni láʼ «Gusíʼdinu jma jneza».

CONSEJERU AUXILIAR

25. Pa ganda la? galán iquiiñetu ti ancianu ni maʼ napa experiencia para gutiidiʼ discursu. Ora caquiiñeʼ gúnibe ni la? zudiibe conseju ca ancianu ne ca siervu ministerial ni ridiʼdiʼ lu reunión Xhiiñaʼ Dios ne modo nabáninu, ca ni rudii discursu públicu, ca ni runi dirigir Estudiu stiʼ revista Torre stiʼ ni rapa o «Reunión ra riuundaʼ Biblia», ne ca lector, peru gaca ni privadu (biiyaʼ párrafo 19). Pa nuu stale ancianu ni rutiidiʼ discursu galán ne nanna gusiidiʼ la? zanda gaca nombrar ti consejeru auxiliar cada iza. Cadi naquiiñeʼ diʼ gudiibe conseju ca hermanu riʼ guiráʼ biaje gudiicaʼ ti asignación.

CLASE AUXILIAR

26. Zanda gapa ca congregación clase auxiliar pa nuu stale estudiante. Zapa cada clase ti consejeru capacitadu, ne jma galán pa gácabe ti ancianu. Pa caquiiñeʼ peʼ la? zanda gaca asignar ti siervu ministerial capacitadu. Cuerpu de ancianu nga guiníʼ tuu nga ca ni zanda guni dxiiñaʼ riʼ ne pa zaca turnarcaʼ. Naquiiñeʼ chinanda consejeru riʼ ca instrucción zeeda lu párrafo 18. Zanábacabe ca estudiante riʼ checaʼ ndaaniʼ sala auxiliar ora maʼ biluxe asignación ni láʼ «Guyúbinu ca perla ni gaʼchiʼ», ni zeeda lu sección «Ca tesoro zeeda lu Biblia». Zabiguétacabe ndaaniʼ sala principal ora tidiʼ últimu asignación estudiantil stiʼ reunión.

VIDEU

27. Zadiʼdiʼ caadxi videu lu reunión ni raca ndaaniʼ semana, zanda gúʼyatu ca videu riʼ lu aplicación JW Library^® ni guca para gadxé gadxé clase dispositivu electrónicu.

S-38-ZPI 11/23