Ndaa ra rinabadiidxaʼ

◼ Ximodo zanda icaa binni rebista La Atalaya ne ¡Despertad! para laa.

Cumu maʼ napa dxi maʼ qué riquiiñeʼ ca guiʼchiʼ ra ricá lá cani canabaʼ gueeda rebista (suscripción) La Atalaya ne ¡Despertad! o caset ni nuu lu guiráʼ diidxaʼ la? cani rucheeche diidxaʼ maʼ rinábacaʼ gueeda rebista, caset o discu ni láʼ MP3 sticaʼ ra nuu ca binni ridagulisaa. Laguietenalaʼdxiʼ de que cada neza binni ridagulisaa zanda inábacaʼ rebista, caset o discu ni láʼ MP3 ne gúnicabe ni lu guiʼchiʼ ni ridxá Pedidos de la congregación (M-202-S). Rebista ni láʼ MP3 ca la? inglés si nga nuu ni yanna. Cani nuu lu diidxaʼ braile, ni riree lu sti diidxaʼ ne ca de letra naroʼbaʼ ca laaca naquiiñeʼ inábacabe ni ne guiʼchiʼ ca.

Pa nuu tuuxa binni neza ra rucheechetu diidxaʼ napa gana icaa ca rebista ca gatigá la? nagueendaca naquiiñeʼ chisaanatu cani ti cadi guiaadxaʼ laabe nin tobi. Cani maʼ biree ndaaniʼ xquidxi Dios (personas expulsadas), zanda icaacabe ca rebista o xcaadxi libru para laacabe ra rudiicabe cani ndaaniʼ Yoo stiʼ Reinu. Qué zanda diʼ chuʼ cani maʼ biree ndaaniʼ xquidxi Dios lu lista stiʼ cani risaanacabe rebista ra nuu (ruta de revistas).

Nga runi, cani rucheeche diidxaʼ qué zuseendadícabe guiʼchiʼ Betel para inábacabe gueedaʼ rebista o intiisi libru para laacabe. Guiráʼ guiʼchiʼ sicaríʼ ni guni cani rucheeche diidxaʼ o tuuxa binni ni riulaʼdxiʼ iziidiʼ jma la? zuseendacabe ni ra nuu ca binni ridagulisaa ca.

◼ Ximodo zanda icaa tuuxa binni daguyoo rebista para laa.

Neza binni ridagulisaa ni rucheeche diidxaʼ ndaaniʼ ti lidxi guiibaʼ la? zudiicabe rebista cani daguyoo ca. Zanábacabe ni Betel ne guiʼchiʼ ni ridxá M-202-S.

Ca binni ni daguyoo ni maʼ biree ndaaniʼ xquidxi Dios laaca zanda icaacabe rebista La Atalaya ne ¡Despertad! ra inábacabe ni cani rucheeche diidxaʼ ni riganna laacabe.