Ca dxi ni bibí para usaananu folletu cubi
1 Nécapeʼ stale binni nuu xizaa pur iráʼ ni cayaca yanna riʼ la? huaxiéʼ si de laacabe riene xiñee nga nagana ca dxi nabáninu riʼ, xi chigaca despué ne xi naquiiñeʼ gúnicabe ti ganda ilácabe ora maʼ cuidxi Dios cuenta iráʼ binni (Eze. 9:4). Para ganda acanenu laacabe guiénecabe xiñee nagana ca dxi nabáninu riʼ la? lu idubi naca Guidxilayú chigusaananenu binni folletu cubi ni láʼ ¡Manténgase alerta!, dede lunes 17 stiʼ enero hasta domingu 13 stiʼ febrero.
2 Folletu cubi riʼ zusaananenu ni binni ora chuunu de yoo pur yoo, ora ibigueta chigánnanu tuuxa, ora inínenu binni ratiica nuunu ne iráʼ ra idxélanu binni. Peru, cadi chigudiʼnu ni guiráʼ xixé binni ni idxaaganu, sínuque cani dxandipeʼ riuláʼdxicaʼ gánnacaʼ xi ná Biblia de iráʼ ni cayaca yanna riʼ. Cani ihuinni de que huaxiéʼ riulaʼdxiʼ iziidiʼ de ni caninu la? zanda usaanenu laacaʼ ti tratadu.
3 Zándaca ucaadiágacabe lii pa iniʼluʼ sicaríʼ:
◼ «Stale binni nuu xizaa pur iráʼ ca endanagana ne iráʼ ni cayaca yanna riʼ. [Bizeeteʼ xiixa ni uca neza ra lídxitu.] Nannuʼ de que lu Biblia maca cá zaca cani la? [Uleza icábibe. De racá biindaʼ ti textu ni caníʼ de ejemplu ni bizeeteluʼ ca, casi Mateo 24:3, 7, 8; Lucas 21:7, 10, 11; o 2 Timoteo 3:1-5.] Biblia rusiene xiñee nga nagana ca dxi nabáninu riʼ ne xi chigaca para binni despué. Ñuláʼdxiluʼ ñánnaluʼ jma de ni caninu riʼ la? [Uleza icábibe ne biluíʼ laabe folletu ca pa ruluíʼ dxandíʼ riuláʼdxibe iziidibe jma.] Folletu riʼ qué ridoo diʼ ni. Pa riuláʼdxiluʼ udiiluʼ xiixa para dxiiñaʼ rúnidu lu idubi Guidxilayú la? zacaa ni.»
4 Zándaca laaca galán pa iniʼluʼ sicaríʼ:
◼ «Stale binni ridxiichi pur iráʼ cosa malu cayaca yanna riʼ o pur xiixa ni bíʼnicabe laa. Nuu binni rinabadiidxaʼ laca laa xiñee qué ucueza Dios iráʼ cani. Biblia cayabi laanu de que maʼ cadi candaa diʼ Dios zabee iráʼ yuubaʼ napa binni. Biiyaʼ ca cosa galán ni chiguni Dios para binni [biindaʼ Salmo 37:10,11]. Ñuláʼdxiluʼ ñannuʼ jma de laani la?» Biluxe uníʼ casi na guionna párrafo ca.
5 Iráʼ binni icaa ti folletu la? biyubi ximodo ganda gannuʼ tu lácabe ne paneza ra lídxicabe, ne udixhe ti dxi ibiguétaluʼ para acaneluʼ laacabe chuláʼdxicabe iziidicabe jma. Xhiiñaʼ Reinu ni Rúninu stiʼ beeu febrero 2005 zusiéneruʼ jma modo zanda gúninu ni. Pa binni ni caníʼneluʼ ca uluíʼ de que riulaʼdxiʼ iziidiʼ jma la? zanda uzulú gúʼndaneluʼ laabe Biblia ne iquiiñeluʼ folletu ¡Manténgase alerta! o zanda iquiiñeluʼ stobi, casi folletu Xi canabaʼ Dios lii guʼnuʼ.
6 Iluxe si Guendaridagulisaa stiʼ Dxiiñaʼ Stinu ra guiuundaʼ tema riʼ la? ziuu folletu cubi para icaatu. Galán icaa cani rucheeche diidxaʼ ne ca precursor biaʼ zaquiiñesicaʼ ca primé dxi uzulú dxiiñaʼ riʼ. Jiobá cuʼ ndaayaʼ dxiiñaʼ chigúninu para usisácanu laabe ne para cuendú ca binni ni riulaʼdxiʼ iziidiʼ stale cosa ni galán (Sal. 90:17).