Ximodo zanda usaananu revista
15 stiʼ abril
«Cadi dxandíʼ nuu stale ni guʼndaʼ binni yanna riʼ la? [Uleza icábibe.] Peru gástiruʼ ni guʼndaʼ binni ni jma risaca que ca diidxaʼ cá raríʼ [biindaʼ Juan 17:3]. Revista riʼ cusiéneni xi riníʼ ca diidxaʼ endanabani ni qué zaluxe ne caniʼni ximodo gánnanu jma para icaanu endanabani ca.»
22 stiʼ abril
«Neca Jesucristu naca ti binni ni jma runibiáʼcabe, stale binni rinabadiidxaʼ tuupeʼ nga laabe. Nánnaluʼ de que ca discípulo stibe laaca ngueca unabadiidxaʼ ca la? [Uleza icábibe. Óraque biindaʼ Marcos 4:41.] Revista riʼ cusiéneni xi riníʼ Biblia tuupeʼ nga uca Jesús.»
1 stiʼ mayo
«Ora gati ti binni ni nadxiinu, cadi dxandíʼ riuláʼdxinu nibiguetaʼ ñúʼyanu laabe la? [Uleza icábibe.] Stale binni ratadxí ladxidóʼ ora riziidiʼ ni caníʼ Biblia de que zabiguetaʼ ibani ca gueʼtuʼ ca [biindaʼ Juan 5:28, 29]. Revista riʼ caníʼ padxí ziasa ca gueʼtuʼ ca ne tuu nga cani chiguiasa.»
8 stiʼ mayo
«Stale binni ruyubi chaahuiʼ xi película zanda guʼyaʼ ca xiiñiʼ. Ñee raca nagana para lii idxélaluʼ xi película ndiʼ guʼyaʼ binnilídxiluʼ la? [Uleza icábibe. Óraque biindaʼ Efesios 4:17.] Revista riʼ cusiéneni xi zanda guni cani napa xiiñiʼ ti ganda acanécabe laacaʼ idxélacaʼ xi gúʼyacaʼ para cadi aca biidiʼ xquendabiaanicaʼ.»