Gácanu binni nadxibalú, peru cadi tinde diidxanu

¹ Ora maʼ canagucheechenu diidxaʼ, stale binni riuulaʼdxiʼ gabi laanu ni runi cré, neca maʼ gadxé modo rusiidiʼ Biblia de laacani. Dxandíʼ nga naquiiñeʼ gácanu binni nadxibalú ora maʼ canagucheechenu diidxaʼ, peru qué zuyúbinu «chuʼ dinde né [n]u irutiʼ» ne qué zuyúbinu guniná stiidxanu binni (Rom. 12:18; Hech. 4:29). Ximodo zanda gácanu binni nadxibalú ne cadi chuʼ dindenenu binni ora maʼ canagucheechenu diidxaʼ yaʼ.

² Guininu xiixa ni cadi guchiichi binni. Cumu naquiiñeʼ gácanu binni nadóʼ la? qué zuyúbinu tinde diidxanu. Cadi purtiʼ si gábinu binni cadi jneza nuu ni runi cré guiníʼ íquenu zucaadiaga laanu. Nga runi, pa ti binni guiníʼ xiixa ne cadi jneza ni la? naquiiñeʼ guyúbinu xi zanda guinínenu laabe para cadi guidxiichibe. Pa gúninu zacá la? zacanenu binni gucaadiaga laanu ne zindanu ndaaniʼ ladxidoʼbe.

³ Yanna, pa cadi gábinu binni cadi jneza cani runi cré, ñee cudxii déchenu cani maʼ bizíʼdinu la? Coʼ. Cumu xpinni Cristu laanu la? dxiiñaʼ stinu nga gucheechenu stiidxaʼ Reinu stiʼ Dios, ne cadi guchaʼnu guiráʼ ni riníʼ ique binni (Mat. 24:14). Cadi guidxiichinu ora gabi tuuxa laanu xi riníʼ ique purtiʼ si cadi jneza ni. Ni zanda gúninu nga gucaadiáganu ni caníʼ binni ca ti gánnanu xi riníʼ íquebe (Pro. 16:23).

⁴ Gápanu respetu binni. Nuu tiru naquiiñeʼ gácanu binni nadxibalú para guininu xii nga ni dxandíʼ. Peru cumu binni nadóʼ laanu la? qué zusituinu lu binni purtiʼ si runi cré xiixa ni cadi jneza o purtiʼ si rusiidiʼ de laani. Ne qué zaninu xiixa diidxaʼ ni guniná laacabe. Binni ni runi cré laca laa qué riuulaʼdxiʼ diʼ binni guiniʼné laa diidxaʼ. Nga runi, para gucaadiaga binni ni racalaʼdxiʼ ganna xipeʼ nga rusiidiʼ Stiidxaʼ Dios laanu la? naquiiñeʼ gácanu binni nadóʼ ne nachaʼhuiʼ. Pa laanu cadi guidxiichinu ora gánnanu xi runi cré binni la? zusihuínninu nápanu respetu laacabe ne jma nagueenda zucaadiágacabe laanu.

⁵ Dxi bicheeche apóstol Pablu diidxaʼ biiyabe xi runi cré ca binni ni guníʼnebe ne biyúbibe modo guiníʼnebe laacaʼ diidxaʼ para chindabe ndaaniʼ ladxidoʼcaʼ (Hech. 17:22-31). Laabe guniʼbe xiñee bíʼnibe ni: «Rune zacá lade irá cabe tílasi zacá ganda ulaʼya caadxi» (1 Cor. 9:22). Laanu laaca naquiiñeʼ gácanu binni nadxibalú ne nadóʼ ora maʼ canagucheechenu diidxaʼ, cásica guca Pablu.