Ximodo zanda gusaananu revista

TORRE STIʼ NI RAPA 1 stiʼ sep.

«Ñuuladxeʼ ñannaʼ ximodo ruuyaluʼ ni na raríʼ [biindaʼ Hebreos 3:4]. Ñee raʼbuʼ guyuu tu bizáʼ guiráʼ ni nuu guibáʼ ne ni nuu lu Guidxilayú riʼ la? [Guleza guicábibe.] Revista riʼ caníʼ ximodo rusihuinni ciencia guyuu tu bizáʼ guiráʼ ni nuu.»

Septiembre

«Tu laa qué ñuulaʼdxiʼ nibani xadxí, sin ñaca huará yaʼ. Ñee raʼbuʼ pa gácanu binni nayecheʼ zacané nga laanu para guibáninu jma nazaaca la? [Guleza guicábibe. De racá biindaʼ Proverbios 17:22.] Tema riʼ cayabi laanu xiñee jma galán gácanu binni nayecheʼ.» Biluíʼ laabe tema ni zeeda lu yaza 26.

TORRE STIʼ NI RAPA 1 stiʼ sep.

«Ñee raʼbuʼ biʼniʼ Dios binni para si gapa stale yuubaʼ la? Biiyaʼ xi guníʼ Dios ora bizáʼ primé hombre [biindaʼ Génesis 1:28]. Dios cadi bizáʼ binni para si gapa yuubaʼ. Yanna, ximodo beeda gapa binni yuubaʼ yaʼ. Revista riʼ cusiene ximodo beeda chuucani, ne laaca cusiéneni ximodo zabee Dios guiráʼ yuubaʼ ni cayuniná binni.» [Biluíʼ laabe yaza 13 párrafo 4].

Octubre

«Cadi dxandíʼ nga caniisi ca xiiñinu ndaaniʼ ti guidxilayú ra zidale jma guendanagana la? [Guleza guicábibe.] Stale tu na cásipeʼ modo nabani binni yanna zacapeʼ ruzeeteʼ textu riʼ [biindaʼ 2 Timoteo 3:1-5]. Revista riʼ cuzeeteni xi zanda guni binni para gapa xiiñiʼ de ca binni ni racalaʼdxiʼ guilaxoo laacaʼ.»