Ñee maʼ nuunu listu para gúʼndanu para Jiobá lu ca guendaridagulisaa ca la?
1 Ora maʼ cadúʼndanu dede ante ni chitiidiʼ lu ca guendaridagulisaa stinu, laaca galán guni ensayarnu ca diidxaʼ riuundaʼ ca para gusisácanu Jiobá. Raríʼ zeeda caadxi modo zanda gúninu ni.
2 Biene xidé caniʼni. Cásica textu ni biquiiñeʼ para diidxaʼ riuundaʼ ca ne xcaadxi textu ni cá ñee yaza stiʼ cada tobi de laacani, zacanécani laanu gánnanu xi textu stiʼ Biblia biquiiñeʼ para gucuá ca letra stini.
3 Biʼniʼ ensayar. Zanda cueetu ti tiempu huiiniʼ ora maʼ cayuni adorartu Dios ne binnilídxitu cada semana para guiziiditu ca diidxaʼ riuundaʼ nacubi ca. Laguni ensayar cani ne ca saa ni guca grabar ne pianu ni zaquiiñeʼ lu ca guendaridagulisaa ca. Zanda guiziidiluʼ saa ne letra stiʼ chupa chonna de ca diidxaʼ riuundaʼ ca ra gucaadiágaluʼ Cantemos a Jehová (coro y orquesta), discu 1.
4 Ñee ziuʼnu listu para semana 29 stiʼ marzo, ra guzulú iquiiñenu libru cubi Cantemos a Jehová la? Para ganda chuʼnu listu la? ¡cueenu tiempu para guiénenu xidé caníʼ ca diidxaʼ riuundaʼ ca ne guni ensayarnu cani!