La Biblia: el poder que ejerce en su vida

Maʼ huayacané Biblia millón de binni ni nuu lu guidubi Guidxilayú para guchaacaʼ modo nabánicaʼ. Gunáʼ nga caadxi conseju ni zeeda lu Biblia ni zanda gacané laanu gudxíʼlunu ca guendanagana rápanu yanna. Para gannuʼ ni la? cayuni invitardu lii gúʼyaluʼ videu ni láʼ La Biblia: el poder que ejerce en su vida, guiropa videu de chonna ni zeeda lu DVD ni láʼ La Biblia: libro de hechos y profecías. Despué de gúʼyaluʼ videu riʼ bicabi ca guendarinabadiidxaʼ zeeda raríʼ:

1) Xiñee zanda guininu jma risaca Biblia que guiráʼ libru ni huacá biaʼ dxi huabani binni lu Guidxilayú (Heb. 4:12). 2) Pa dxandíʼ racané Biblia binni para guibani galán, xiñee napa binni stale guendanagana yaʼ. 3) Gunáʼ nga tema stiʼ Biblia. 4) Gunáʼ nga caadxi de ca versículo stiʼ Biblia ni zanda gacané ca guendaxheelaʼ ca para 1) gánnacaʼ ximodo jma galán guiníʼnecaʼ xheelacaʼ ne 2) guiziidicaʼ gucueezacaʼ laacaʼ pa nagueenda ridxiichicaʼ. 5) Xiñee ziuu ca guendaxheelaʼ ca jma nayecheʼ pa guiníʼ íquecaʼ casi modo riníʼ ique Cristu (Efe. 5:28, 29). 6) Ximodo zanda chinanda cani napa xiiñiʼ ejemplu sicarú stiʼ Jiobá (Mar. 1:9-11). 7) Xi zanda guni cani napa xiiñiʼ para cadi guiree familia sticaʼ gana ora guʼndanécabe laacaʼ. 8) Aparte de gusiidiʼ binni ca xiiñiʼ ni cá lu Biblia, xiruʼ na Stiidxaʼ Dios naquiiñeʼ guni binni pur ca xiiñiʼ. 9) Bizeeteʼ ti conseju zeeda lu Biblia ni zanda gacané ca familia ca para gánnacaʼ xi gúnicaʼ ora qué rugaanda xpuéltucaʼ. 10) Bizeeteʼ caadxi conseju zeeda lu Biblia ra na ziuu binni nazaaca pa gaca nayá, pa qué cubaʼ guixi, pa qué xhudxi ne pa qué gaca estresar. 11) Gunáʼ nga ca cosa ni cabézanu guni Dios ni racané laanu guni huantarnu (Job 33:25; Sal. 145:16). 12) Ximodo huayacané cani maʼ biziidiluʼ de lu Biblia lii para guibániluʼ jma galán. 13) Ximodo raʼbuʼ zanda iquiiñeluʼ videu riʼ para gacaneluʼ xcaadxi binni.