Sti modo zanda iquiiñenu folletu Cani zeeda lu Biblia
Stale binni ni nabeza neza ra rucheechenu diidxaʼ qué gánnacaʼ xi rusiidiʼ Biblia, jmaruʼ si ca binni ni qué rié ndaaniʼ tobi de ca religión ni nacaʼ xpinni Cristu laacaʼ. Nuu de cani rucheeche diidxaʼ riquiiñecaʼ libru Xipeʼ ndiʼ cusiidiʼ Biblia para gúʼndanecaʼ ca binni ca ne laaca riquiiñecaʼ folletu Cani zeeda lu Biblia para gacanecaʼ laacabe gánnacabe xi guiráʼ zeeda lu Stiidxaʼ Dios. Guzéʼtenu ni runi ti xpinni Cristu. Ora gúʼndanebe binni de Biblia ne chindabe lu capítulo chonna stiʼ libru riʼ, riquiiñebe primé ndaa stiʼ folletu ca. De racá maʼ ruundabe ti ndaa stiʼ folletu ca cada biaje guiluxe gúʼndanebe binni. Ñee cayuundaneluʼ tuuxa ni huaxiéʼ runibiáʼ Biblia o qué liica ganna gastiʼ de laani la? Ora gusiidiluʼ binni né libru Xipeʼ ndiʼ cusiidiʼ Biblia galán iquiiñeluʼ folletu Cani zeeda lu Biblia para gusiene chaahuiluʼ laabe de laani. Pa guʼnuʼ zacá zanda gacaneluʼ ni cayuundaneluʼ Biblia ca ganna «ni cá lu Xquiʼchi Dios ni zanda usiene [laa] ximodo ilá» (2 Tim. 3:15).