Gudiʼnu ca «cosa galán» nápanu ora guidxaagalunu xcaadxi binni (Mat. 12:35a, TNM)

Zándaca guiranu riuuláʼdxinu gudiʼnu ca «cosa galán» nápanu xcaadxi binni, purtiʼ zacá ridxaagalunu «cani zeeda de sti ladu» (Rom. 12:13). Maʼ gunábacabe ca binnigola gudiicaʼ ti guendaró ne gastu stiʼ ca xpinni Cristu ni gudii libana ra ridagulisaacaʼ. Peru zándaca nuu publicador qué riná guni invitar ca hermanu riʼ ra lídxicaʼ purtiʼ riníʼ íquecaʼ pobre laacaʼ o purtiʼ ridxíbicaʼ chigánnacabe laacaʼ. Pa zacá riníʼ íqueluʼ la? bietenalaʼdxiʼ conseju bidii Jesús Marta (Luc. 10:39-42). Laabe bisiénebe ni jma risaca ora chiganna ca binnigola riʼ laanu nga modo riguucabe gana laanu ne cadi guendaró cadiʼ. Pa chinándanu conseju riʼ la? zanda gudiʼnu ca «cosa galán» nápanu xcaadxi xpinni Cristu, casi modo riguu Stiidxaʼ Dios gana laanu gúninu (3 Juan 5-8).