Iquiiñenu poder napa Stiidxaʼ Dios ora gucheechenu diidxaʼ

Ora guidxélanu binni gucaadiaga laanu neza ra rucheechenu diidxaʼ la? qué runítinu tiempu ne ridúʼndanenu laa chupa chonna textu zeeda lu Biblia. Xiñee rúninu zacá yaʼ. Purtiʼ nánnanu napa Stiidxaʼ Dios stale poder. Lu guendaridagulisaa de ti dxi ni gúpanu udubiza bieeteʼ pabiáʼ risaca gúninu ndiʼ lu ti libana ni láʼ «Iquiiñenu poder napa Stiidxaʼ Dios ora gucheechenu diidxaʼ», ni bitiidiʼ superintendente de circuito. Guidúʼyanu chupa chonna puntu bieeteʼ luni.

• Xiñee jma napa Stiidxaʼ Dios poder que stiidxanu (2 Tim. 3:16, 17).

• Ximodo racané Biblia laanu gusihuínninu cani runi sentirnu, guchaʼnu modo riníʼ íquenu, cueenu guiráʼ ni nuu ndaaniʼ ladxidoʼno ne ximodo racané ni laanu gaca xpiaʼnu galán. (Biiyaʼ Torre stiʼ ni rapa 15 stiʼ junio 2012, yaza 27, párrafo 7.)

• Ora guidúʼndanenu binni xiixa textu ra canagucheechenu diidxaʼ, ximodo zanda guluinu laacabe lu Biblia zeeda ni caninu ti gápacabe respetu ni yaʼ. (Biiyaʼ libru Benefíciese, yaza 148, párrafo 3 ne 4, ne Xhiiñaʼ Reinu ni Rúninu marzo 2013, yaza 8, párrafo 8.)

• Ora guidúʼndanenu binni ti textu zeeda lu Biblia, xiñee risaca gusiénenu ni laabe. Ximodo zanda gúninu ni. (Hech. 17:2, 3; biiyaʼ libru Benefíciese, yaza 154, párrafo 4, dede yaza 156, párrafo 5.)