Para ganda gacanenu binni gaca discípulo, naquiiñeʼ guni predicarnu ne gusíʼdinu laacaʼ

Biʼniʼ mandar Jesús ca xpinni checaʼ ne gúnicaʼ discípulo (Mt 28:19, TNM). Para gúninu ni ná mandatu riʼ caquiiñeʼ guni predicarnu ne gusíʼdinu binni. Zándaca nuu biaje galán guinabadiidxanu laaca laanu: «¿Ximodo zanda guneʼ mejorar modo runeʼ predicar ne modo rusiideʼ binni yaʼ?».

ORA GUNI PREDICARNU

Lugar de cuézanu guidxiñaʼ binni ra nuunu, laanu nga naquiiñeʼ chuunu chiyúbinu ca binni ni racalaʼdxiʼ guiziidiʼ (Mt 10:11). Ora guni predicarnu, ¿ñee runi aprovecharnu intiica oportunidad para guinínenu tutiica guidxaaganu la? (Hch 17:17). Guca Lidia xpinni Cristu purtiʼ biyubi apóstol Pablo modo guni predicar laabe (Hch 16:13-15).

GÚʼYASITU VIDEU NI LÁʼ CADI GUSAANA DE GUNI PREDICARNU CA NOTICIA NACUBI: PREDICACIÓN INFORMAL NE DE YOO PUR YOO, ZANDA GUICÁBITU CA PREGUNTA RIʼ:

• ¿Ximodo bisihuinni Samuel biʼniʼ stipa pur guni predicar?

• ¿Xiñee naquiiñeʼ gúninu stipa pur guni participarnu lu guiráʼ modo raca predicar?

• ¿Tuu guiráʼ zanda guinieniáʼ de Reinu laga cayuneʼ xhiiñaʼ?

ORA GUSÍʼDINU

Para ganda gúninu discípulo, cadi naquiiñeʼ si gusaananenu binni publicación. Ni caquiiñeʼ gúninu nga guibiguétanu para gudiʼnu estudiu laacabe ti guni progresárcabe en sentidu espiritual (1Co 3:6-9). Peru ¿pa neca cayúninu guiráʼ nga cadi cabeendunu gastiʼ yaʼ? (Mt 13:19-22). Cadi guireʼnu gana ne guyúbirunu ca binni ni nayá ladxidóʼ (Mt 13:23; Hch 13:48).

GÚʼYASITU VIDEU NI LÁʼ CADI GUSAANA DE GUNI PREDICARNU CA NOTICIA NACUBI: PREDICACIÓN PÚBLICA NE ORA GUSÍʼDINU BINNI GACA DISCÍPULO, ZANDA GUICÁBITU CA PREGUNTA RIʼ:

• ¿Ximodo nga casi ñaca bizee Solomon ne Mary biidxiʼ ni bidxiibacabe ndaaniʼ ladxidóʼ Ezequiel ne Abigail?

• ¿Xii nga ni naquiiñeʼ guicá íquenu ora guni predicarnu, dede ne ora chuunu predicación pública yaʼ?

• ¿Xi caquiiñeʼ gúninu para cadi gusaana de gusíʼdinu ni dxandíʼ?