Laguni biaʼ gándatiʼ para chuʼ ca xiiñitu gaxha de Jiobá

Ni jma racalaʼdxiʼ guiráʼ ca xpinni Cristu nga gaca ca xiiñicaʼ xpinni Jiobá ne cadi gusaanacaʼ laabe. Zanda gacanécabe ca xiiñicabe pa dede nahuiinicaʼ gusiidicabe laacaʼ cani dxandíʼ rusiidiʼ Biblia (Dt 6:7; Pr 22:6). ¿Ñee fácil dxiiñaʼ riʼ la? Coʼ, riquiiñeʼ ni stale stipa, peru pa gúnicabe ni la? zabeendúcabe stale cosa ni galán (3Jn 4).

Cani napa xiiñiʼ zanda chinándacaʼ ejemplu stiʼ José ne María. Laacaʼ gúpacaʼ costumbre de checaʼ guiráʼ iza Jerusalén ra raca saa stiʼ Pascua, neca bíʼnicabe stale stipa ne biníticabe bueltu para guyécabe de raqué (Lu 2:41). Ni jma bisaca para José ne María nga chuʼ familia sticaʼ gaxha de Jiobá. Tiempu riʼ, laaca zanda gacané ca xpinni Cristu xiiñicaʼ pur ni gúnicaʼ ne pur ni gusiidicaʼ laacabe para gúnicabe ni jneza (Sl 127:3-5).

GÚʼYASITU VIDEU NI LÁʼ BIʼNIʼ APROVECHÁRCABE GUIRÁʼ OPORTUNIDAD NI GÚPACABE, ZANDA GUICÁBITU CA PREGUNTA RIʼ:

• Laga cusiniisi Jon ne Sharon Schiller ca xiiñicaʼ, ¿ximodo bíʼnicaʼ xhiiñaʼ Jiobá primé lu xquendanabánicaʼ?

• ¿Xiñee caquiiñeʼ cuʼ jneza binni xiiñiʼ biaʼ iza nápacabe?

• ¿Ximodo zanda gacané ca xpinni Cristu ca xiiñicaʼ para guni huantarcaʼ ca guendanagana guidxaagalucaʼ ne cadi guixélecaʼ de Dios?

• De guiráʼ ca herramienta ni huadii xquidxi Jiobá laanu, ¿gunáʼ herramienta riquiiñeluʼ para gacaneluʼ ca xiiñiluʼ gácacaʼ xhamigu Jiobá?