¿Xi caquiiñeʼ gúninu para chinándanu Jesús?

9:62

Pa racalaʼdxiʼ ti binni runi dxiiñaʼ lu layú guiree ca surcu stiʼ derechu la? cadi naquiiñeʼ gudxiguetalú atrá. Zacaca nga laanu ca xpinni Cristu cadi naquiiñeʼ gudiʼnu lugar gucaa ca cosa ni nuu lu guidxilayú riʼ laanu gudxiguetalunu atrá (Flp 3:13).

Ora ridídinu lu xiixa guendanagana, fácil nga guietenaláʼdxinu modo bibáninu dxiqué ante gunibiaʼnu Jiobá. Ora gúninu ndiʼ rusiáʼndanu guiráʼ ca cosa malu ni gudídinu ne rietenaláʼdxinu cani galán si. Ngapeʼ nga biʼniʼ ca israelita bireesicaʼ de Egipto (Nú 11:5, 6). Pa qué gusaana de guiníʼ íquenu modo bibáninu dxiqué zanda gucaa ni laanu guibiguetaʼ gúninu ca cosa ni bíninu ante gunibiaʼnu Jiobá. Jma galán gúninu pa guiníʼ íquenu ca ndaayaʼ ni cudii Jiobá laanu yanna ne cadi gusiáʼndanu ca ndaayaʼ ni zápanu ora maʼ guni mandar Reinu stiʼ Dios lu Guidxilayú (2Co 4:16-18).