Modo guni predicarnu jma jneza: Guni predicarnu lu interfono

XIÑEE RISACA NI. Pur guiráʼ guendaquéiquiiñeʼ, maʼ stale binni riquiiñeʼ tecnología ne rucaacaʼ cámara ne interfono ra lídxicaʼ. Zándaca guidxíbinu guni predicarnu binni ni cayuuyaʼ laanu peru laanu cadi cadúʼyanu laa. Ca conseju ni zeeda raríʼ zanda gacanécani laanu guni predicarnu lu cámara o lu interfono sin guidxíbinu.

XIMODO GÚNILUʼ NI

• Cadi guiníʼ íqueluʼ qué zucaadiágacabe lii. Stale binni ni napa ti cámara o ti interfono ra lidxi ñuulaʼdxiʼ nucaadiaga laanu.

• Cadi guiaandaʼ lii nuu cámara runi grabar dede ante guxhiʼdxuʼ ra puertaʼ. Ne zándaca cayunadiágacabe ne cayuuyacabe lii.

• Ora guicabi tuuxa lii, guníʼ casi ñaca zuhuaabe nezaluluʼ. Bixidxi ne guníʼ normal. Guníʼ casi ñaca nireebe. Pa nuu ti cámara la? cadi guchiña luluʼ. Pa qué guicábicabe lii la? cadi gusaanuʼ xiixa mensaje.

• Cadi guiaandaʼ lii neca maʼ biluxe guniʼluʼ la? cayuuyarúcabe ne cucaadiágacabe lii.