Biʼniʼ espíritu santu ti cosa ni ruluíʼ qué zanda gaca

Lu ca iza ni maʼ gudiʼdiʼ ca, huayuni ca xpinni Dios stale cosa ni ruluíʼ qué zanda gaca purtiʼ huayacané Jehová laacaʼ. Lu iza 1954 biʼniʼ xquidxi Dios ti película ni láʼ Ximodo runi xquidxi Jehová dxiiñaʼ lu idioma Inglés. Stale de ca hermanu ni biʼniʼ dxiiñaʼ riʼ qué gápacaʼ experiencia para gúnicaʼ película. Gunda guca dxiiñaʼ riʼ purtiʼ gucané espíritu santu stiʼ Jehová laacabe. Ndiʼ rusiidiʼ laanu pa gápanu confianza Jehová zanda gúninu intiica dxiiñaʼ gudiicabe laanu (Zac 4:6).

DESPUÉ DE GÚʼYALUʼ VIDEU NI LÁʼ XIMODO GUCA VIDEU: «XIMODO RUNI XQUIDXI JEHOVÁ DXIIÑAʼ», ZANDA GUICÁBILUʼ CA PREGUNTA RIʼ:

• ¿Xiñee guca ti película ni cusiene de central mundial?

• ¿Ximodo cusiene película riʼ casi runi cuerpu stiʼ binni dxiiñaʼ raca dxiiñaʼ Betel? (1Co 12:14-20).

• ¿Xi guendanagana bidxagalú ca hermanu ne xi bíʼnicaʼ para bidxiilucaʼ ni?

• ¿Xi cusiidini lii de espíritu santu stiʼ Jehová?