Guzéʼtenu ni cazaaca tiempu riʼ ora guni predicarnu

Dxi biʼniʼ predicar Jesús, bizeeteʼ ca cosa ni cazaaca tiempu que para gusiidiʼ binni cosa risaca (Lu 13:1-5). Laaca zanda guzeeteluʼ cosa ni cazaaca tiempu riʼ para chuulaʼdxiʼ binni gucaadiaga mensaje stiʼ Reinu. Ne despué de guzeeteluʼ pabiáʼ maʼ caru ca cosa ca, ti desastre natural, pabiáʼ runiná droga binni, nabé ridinde binni o guzeeteluʼ xcaadxi cosa casi laani, gunabadiidxaʼ binni ca xiixa ni gucaa laa guiníʼ ique. Zanda guinabadiidxaluʼ laabe: «¿Ñee rábiluʼ ziuu ti dxi zaree...?» o «¿Xi rábiluʼ caquiiñeʼ gacaʼ para maʼ cadi chuʼ....?». Despué biluíʼ laabe ti textu ni caníʼ de tema ca. Pa riuulaʼdxiʼ binni ca ganna jma la? biluíʼ laabe ti videu o ti publicación ni zeeda lu kit de enseñanza. Gúninu stipa chindanu ndaaniʼ ladxidóʼ ca binni ni nuu lu territorio stinu ne gúninu ni «pur ca noticia galán» (1Co 9:22, 23).

¿Xi tema rábiluʼ ñuulaʼdxiʼ binni de territorio stiʼ congregación stiluʼ nucaadiaga?