MODO RÚNINU XHIIÑAʼ DIOS
Biiyaʼ lii casi ruuyaʼ Jehová lii
«Cayechené Jehová xquidxi» (Sl 149:4). Ruuyaʼ Jehová ca cualidad galán stinu ne pabiáʼ zanda gudiʼnu laabe neca nácanu binni ruchee. Peru stale biaje raca nagana guidúʼyanu laanu casi ruuyaʼ Jehová laanu. Zándaca pur modo runi tratar xcaadxi laanu o pur xiixa cadi galán ni bíninu dxiqué runi sentirnu qué runi merecernu gannaxhii Jehová laanu. Pa zacá cayuni sentirluʼ, ¿xi zanda gacané lii yaʼ?
Bietenalaʼdxiʼ cadi modo ruuyaʼ binni nga ruuyaʼ Dios laanu (1Sa 16:7). Laabe ruuyabe ca cosa galán ni nápanu ni laapenu qué randa ridúʼyanu. Ra guidúʼndanu Biblia zánnanu xi ca cosa galán ruuyaʼ Jehová. Pa guni analizarluʼ caadxi versículo ne relatu zeeda luni, zánnaluʼ pabiáʼ nadxii Jehová ca xpinni.
DESPUÉ DE GÚʼYALUʼ VIDEU NI LÁʼ BICAA LADXIDOʼLOʼ CHUʼ SEGURU NADXII JEHOVÁ LII, ZANDA GUICÁBILUʼ CA PREGUNTA RIʼ:
¿Xi rizíʼdinu de ejemplu stiʼ bixhoze hombrehuiiniʼ ni ruxooñeʼ ca de modo ruuyaʼ Jehová laanu?
Pa bicheené tuuxa Jehová peru maʼ biyubi gacanécabe laa guibigueta gaca xhamigu Jehová, ¿ximodo zanda gucaabe ladxidoʼbe chuʼ seguru nadxii Jehová laabe? (1Jn 3:19, 20).
Ra biindaʼ hermanu riʼ relatu stiʼ David ne Jehosafat, ¿ximodo gucané ni laabe?