Guníʼ ique ca cosa ni jma risaca biziidiluʼ

¿Ñee raca nagana para lii guietenaláʼdxiluʼ ni biʼniʼ estudiarluʼ la? Guiranu nuu biaje rizaacanu ni .¿Xi zanda gacané laanu yaʼ? Guiníʼ íquenu ca cosa ni jma risaca zeeda luni.

Ora maʼ cayuni estudiarluʼ, gulezadxí ti ratu ne guníʼ ique ca cosa ni caziidiluʼ. Ndiʼ nga ni gudxi apóstol Pablo ca hermanu ne hermana ni cayuundaʼ carta stiʼ. Gúdxibe laacaʼ: «Lade guiráʼ ni caninu riʼ, ndiʼ nga ni jma naquiiñeʼ gánnatu» (Heb. 8:1). Né ca diidxaʼ riʼ gucanebe laacaʼ guiníʼ íquecaʼ ne gúʼyacaʼ tobi si ni ná ca diidxaʼ ni bicaabe que.

Gulezadxí ti ratu cada biaje guni estudiarluʼ —zanda gúniluʼ ni biaʼ chii minutu— ne guníʼ ique ca cosa ni jma risaca caziidiluʼ. Pa qué guietenaláʼdxiluʼ ni bíʼndaluʼ la? cadi guizaaláʼdxiluʼ, zanda gúʼyaluʼ ca subtítulo o primé oración stiʼ cada párrafo. Ora guiziidiluʼ xiixa nacubi la? biʼniʼ stipa gusiéneluʼ ni modo biéneluʼ ni. Ora guiníʼ íqueluʼ ca cosa ni jma risaca biziidiluʼ, cadi zacané si ni lii guietenaláʼdxiluʼ cani, sínuque zacané ni lii gúʼyaluʼ ximodo gúniluʼ ni lu xquendanabániluʼ.