Xiñee rigánnacabe ca binni ni maʼ napa religión stiʼ

Maʼ bidiʼdu cuenta riuulaʼdxiʼ stale binni ni napa religión stiʼ güínedu laacaʼ de ca tema zeeda ndaaniʼ Biblia. Peru runi respetardu derechu napa binni para guni cré ni gacalaʼdxiʼ, nga runi qué rucaʼdu laacaʼ gucaadiágaca’ laadu.

Ora ruidu de cani rusiidiʼ guiráʼ religión, rúnidu stipa pur chinándadu conseju zeeda lu Biblia ra na naquiiñeʼ guicábidu ne «diidxa nadóʼ» ne gápadu «respetu» sti binni (1 Pedro 3:15). Nánnadu nuu tu qué zaná gucaadiaga laadu (Mateo 10:14). Peru napa xidé guinínedu binni para gánnadu pa riuulaʼdxiʼ gucaadiaga. Ne laaca ruchaa modo nabani cada binni.

Casi nuu dxi nabé nuu xhiiñaʼ binni para gucaadiaga laadu, peru zándaca gucaadiágabe laadu ora maʼ nuudxibe. Laaca zándaca cadiʼdiʼ binni lu xiixa guendanagana ne nga gucaa laa guyubi ganna xi na Biblia. Nga runi, rúnidu stipa chuudu ra nuucabe chupa chonna biaje.