Nota

e Binibiáʼcabe Jerjes I casi ti binni ni nabé ruchaa modo laa ne nabé ridxiichi. Heródoto, ti historiador de Grecia, bicaa caadxi cosa ni biʼniʼ Jerjes I dxi gudindené xquídxibe Grecia. Ti dxi biʼniʼ mandar Jerjes I cuiʼ ti puente lu caadxi barcu, ti lugar nabéʼ lu nisadóʼ stiʼ Helesponto. Guizáʼ bidxiichibe ora bisaba ti bi yooxhoʼ puente que dede biʼniʼ mandarbe guiaaxha yanni ca hombre ni biʼniʼ ni, ne para laabe cayuni castigarbe nisa que ora biʼniʼ mandarbe cuʼdícabe nisadóʼ que ne cúʼcabe chicote ni. Laaca ca dxi que biʼniʼ rey que sti cosa. Ora gunabaʼ ti hombre ricu laabe cueebe tobi de ca xiiñiʼ de gaca soldadu, biʼniʼ mandarbe gúnicabe hombrehuiiniʼ que chupa ndaa ne cúʼcabe xcuérpube ti lugar ra guʼyaʼ guiráʼ binni ni, ti cadi gúnicaʼ zaqueca.