14-20 DE JULIO
PROVERBIOS 22
Canción 79 ne oración | Ca diidxaʼ guzuluné ni (1 min.)
1. Conseju ni zanda gacané ca ni cusiniisi xiiñiʼ
(10 min.)
Lagacané ca xiiñitu para gánnacaʼ ximodo gudxiilucaʼ intiica guendanagana guidxagalucaʼ (Pr 22:3; w20.10 yaza 27 párr. 7).
Lagusiidiʼ laacabe gúnicabe ni jneza dede nahuiinicabe (Pr 22:6; w19.12 yaza 26 párr. 17-19).
Lacuu jneza ca xiiñitu peru laguni ni né guendarannaxhii (Pr 22:15; w15 15/11 yaza 5 párr. 6).
2. Guyúbinu ca perla ni gaʼchiʼ
(10 min.)
Pr 22:29. ¿Ximodo zanda chinándanu ni ná proverbio riʼ ora gúninu xiixa dxiiñaʼ ndaaniʼ congregación? ¿Ne xi ndaayaʼ zacaanu? (w21.08 yaza 22 párr. 11).
¿Xi perla espiritual bidxélaluʼ biaʼ ra biuundaʼ Biblia semana riʼ?
3. Ra guiuundaʼ Biblia
(4 min.) Ap 1:1-11 (th lección 10).
4. Bizulú guniʼné binni
(3 min.) DE YOO PUR YOO. (lmd lección 5 punto 4).
5. Bizulú guniʼné binni
(4 min.) PREDICACIÓN INFORMAL. Biluíʼ binni ca ximodo zanda guidxela información lu jw.org ni caníʼ de modo gusiniisi binni xiiñiʼ (lmd lección 1 punto 4).
6. Discursu
(5 min.) w13 15/5 yaza 22, 23 párr. 14, 17. Título: Báʼducaʼ, ¿xiñee nabé risaca gucaadiágatu bixhózetu ne jñaatu? (th lección 20).
Canción 134
7. Lagapa paciencia ca xiiñitu peru cadi gudiitu lugar gúnicaʼ ni gápacaʼ gana
(15 min.) Zanda guicabi ca ni cucaadiaga.
Caquiiñeʼ gapa ca ni napa xiiñiʼ stale paciencia para gusiniisicaʼ ca xiiñicaʼ, guizaaláʼdxicabe xi cazaaca ca xiiñicabe ne cueecabe tiempu para laacaʼ sin chuʼ xiixa ni guchiiñaʼ laacabe (Dt 6:6, 7). Pa racaláʼdxitu gánnatu xi riníʼ ique ne ximodo runi sentir ca xiiñitu la? laguni laacabe pregunta ni gucaa laacabe guiníʼcabe ni nuu ndaaniʼ ladxidóʼcabe ne lagucaadiaga chaahuiʼ laacabe (Pr 20:5). Zándaca stale biaje nga caquiiñeʼ gábitu ca xiiñitu xi caquiiñeʼ gúnicaʼ para guiénecaʼ ne gúnicaʼ ni.
Neca naquiiñeʼ gapa ca ni napa xiiñiʼ paciencia la? qué riníʼ diʼ nga zudiicabe lugar guni ca xiiñicabe ni gápacaʼ gana. Maʼ bidii Jehová autoridad ca ni napa xiiñiʼ para quíxhecabe xi zanda guni ca xiiñicabe ne cuʼ jnézacabe laacaʼ ora qué guzuubacaʼ diidxaʼ (Pr 6:20; 23:13).
Biindaʼ Efesios 4:31. Despué gunabadiidxaʼ ca ni cucaadiaga:
¿Xiñee cadi galán cuʼ jneza binni xiiñiʼ ora cadxiichi?
Biindaʼ Gálatas 6:7. Despué gunabadiidxaʼ ca ni cucaadiaga:
¿Xiñee nabé risaca gabi binni xiiñiʼ pa gúnicaʼ cosa malu zándaca gacanacaʼ?
Bitiidiʼ VIDEU ni láʼ Lagapa paciencia, lagusihuinni nadxiisaatu ora guni huantartu ni guni stobi laatu. Modo guni tratarluʼ ca xiiñiluʼ. Despué gunabadiidxaʼ ca ni cucaadiaga:
¿Xi rusiidiʼ videu riʼ laanu?
8. Reunión ra riuundaʼ Biblia
(30 min.) lfb «Carta stiʼ Grupu ni Zániru», introducción stiʼ sección 1 ne lección 1.