-
«Padxí nga nouʼ gaca irá ni»Torre stiʼ ni rapa 2013 | julio 15
-
-
16. Gunáʼ nga stapa textu ni caníʼ de dxi gueeda Jesús.
16 Guidúʼyanu xi bizeeteʼ Jesús ora guníʼ de mozo ni nuu xpiaaniʼ ne ni runi jneza: «Dichoso de mozo que pa cayuni zacá ora gueeda xpixuaanaʼ». Ne ora bizeetebe ejemplu stiʼ ca binnidxaapaʼ guniʼbe: «Laga ze sí cabe que beeda novio» que. Ne ora guníʼ Jesús ejemplu stiʼ ca hombre ni bisaanané xpixuaanacaʼ laacaʼ caadxi talentu, guniʼbe sicaríʼ: «Bindaa para beeda xpixuaana cabe». Ne despué bizeeteʼ Jesús xi guníʼ xpixuaanacabe: «Ora ñenda la? ma ñaca ni jma stale» (Mat. 24:46; 25:10, 19, 27). Yanna, padxí nga gueeda Jesús casi na ca versículo riʼ yaʼ.
17. Ximodo biénenu Mateo 24:46 ra cayeeteʼ de dxi gueeda Jesús.
17 Dxiqué bisiene ca libru ne ca revista stinu beeda Jesús lu iza 1918, ne dxi que nga guca ni na guidapaʼ versículo ni bidúʼndanu últimu riʼ. Guidúʼyanu ximodo biénenu ca diidxaʼ ra guníʼ Jesús de «mozo ni nuu xpiaaniʼ ne ni runi jneza» (biindaʼ Mateo 24:45-47). Dxiqué guníʼ íquenu guca ni na versículo 46 ora beeda Jesús lu iza 1918 para guʼyaʼ ximodo nuu ca xpinni ni bibí nezalú Dios, ne laaca guníʼ íquenu gulí Jesús ti mozo ni nuu xpiaaniʼ lu iza 1919 para guiaanané guiráʼ ni nápabe (Mal. 3:1). Peru pa guiduʼndaʼ chaahuinu diidxaʼ riguixhená guníʼ Jesús que, zudiʼnu cuenta caquiiñeʼ guchaʼnu modo riénenu padxí nga chigaca caadxi cosa ni bizeetebe que. Guidúʼyanu xiñee.
18. Xi naquiiñeʼ guiénenu ora guidúʼndanu diidxaʼ riguixhená ra guníʼ Jesús de dxi gueeda.
18 Ca versículo ni zeeda ante de Mateo 24:46, caníʼcani de tiempu gueeda Jesús para guni juzgar ne gusabanáʼ binni lu ca dxi jma nagana (Mat. 24:30, 42, 44). Ne casi bidúʼyanu lu párrafo 12 que, Mateo 25:31 cuzeeteni de tiempu gueeda Jesús para guni juzgar guiráʼ guidxi. Nga runi, ora bizeeteʼ Jesús lu Mateo 24:46 ne 47 zeeda para gusaana guiráʼ ni napa lu náʼ ti mozo ni nuu xpiaaniʼ ne ni runi jneza la? laaca caníʼ textu riʼ de ora gueedabe lu ca dxi jma nagana.f Nga runi, ora guiduʼndaʼ chaahuinu guidubi diidxaʼ riguixhená guníʼ Jesús que, rudiʼnu cuenta de ti cosa: lu xhono versículo ra bizeetebe dxi gueedabe zaca ni na cani tiempu guni juzgarbe binni lu ca dxi jma nagana.
-
-
«Padxí nga nouʼ gaca irá ni»Torre stiʼ ni rapa 2013 | julio 15
-
-
e Párrafo 15: Ca diidxaʼ zeeda, gueeda, guedandá, beeda ne ñendaʼ ni biquiiñeʼ lu xhono textu ni bidúʼndanu riʼ zeedacani de verbu griegu érkjomai.
f Párrafo 18: Diidxaʼ «ora gueeda» ni cá lu Mateo 24:46, laaca laani nga diidxaʼ griegu ni biquiiñeʼ ora guníʼcabe «zeda yete», «gueeda» ne «guedandá» ni zeeda lu Mateo 24:30, 42; Mateo 24:44, TNM.
-