4, 5. 1) Tuu nga zeeda gaca hombre ni rieeteʼ lu historia riʼ. 2) Xii nga ca talentu que.

⁴ (Biindaʼ Mateo 25:14-30.) Lu historia ra cayeeteʼ de talentu, guníʼ Jesús de ti hombre ni zeʼ de viaje. Sti dxi, guníʼ Jesús ti historia zacagá ra cayeeteʼ de ti hombre ni zeʼ de viaje para gaca rey (Lucas 19:12).d Maʼ xadxí, bisiene ca libru ne ca revista stinu Jesús nga hombre ni cayeeteʼ lu guiropaʼ historia riʼ ne guyebe guibáʼ lu iza 33. Peru qué ñaca diʼ Jesús rey lu iza que. Gupa xidé gulézabe dede 1914, «dxi ma guta dxí irá ni rucaa lú laabe xa ñee be» (Hebreos 10:12, 13).