MODO RÚNINU XHIIÑAʼ DIOS

Ti cosa nacubi ni chichuu lu reunión ni rápanu ndaaniʼ semana

A partir de beeu enero iza 2018, lu reunión ni rápanu ndaaniʼ semana zuzulú zaquiiñenu caadxi nota, imagen ne videu ni zeeda lu edición de estudiu stiʼ Traducción del Nuevo Mundo de las Santas Escrituras (nwtsty), ni nuu lu Internet neca caʼruʼ chuʼ ni lu stiidxanu. Zacané información riʼ laanu ora gaca prepararnu para ca reunión. Ne ni jma risaca nga zadxíñanu jma gaxha de Jiobá, Bixhózenu ni nadxii laanu.

NOTA DE ESTUDIU

Ora guxhéleluʼ ti versículo, ca nota de estudiu riʼ zacané cani lii gánnaluʼ ximodo bibani binni, paraa gulézacaʼ ne xi diidxaʼ guniʼcaʼ.

Mateo 12:20

Mecha de lino ni ribee guʼxhuʼ: Ca lámpara de yú ni biquiiñecabe dxiqué rigaacabe aceite de oliva ndaaniʼ cani. Aceite que riguiʼbaʼ ni lu mecha de lino para cadi guizuíʼ bele que. Diidxaʼ ni biquiiñecabe lu diidxaʼ griegu para «mecha de lino ni ribee guʼxhuʼ» zándaca caníʼ ni de ti mecha ni caree guʼxhuʼ purtiʼ maʼ cazuíʼ o maʼ bizuíʼ ni. Profecía ni riete lu Isaías 42:3 riníʼ ni ziá Jesús binni pobre ne ni cayacaná ne qué zusuiʼbe mecha o esperanza nápacaʼ de gacanebe laacaʼ.

Mateo 26:13

Dxandipeʼ; gábecaʼ laatu: Diidxaʼ Amén ni guníʼcabe lu griegu zeeda ni de ti diidxaʼ hebreu ni riníʼ «zacá gaca ni» o «dxandipeʼ». Biquiiñeʼ Jesús ni ora guzulú guiníʼ zaca xiixa, zaca cumplir ti promesa o ti profecía. Zaqué bisihuínnibe dxandíʼ zaca ni caniʼbe. Jesús si biquiiñeʼ ca diidxaʼ «dxandipeʼ» o «amén» ni riete lu Biblia. Ora bizeeteʼ Jesús chupa biaje diidxaʼ (amén amén), casi riete ni lu guidubi Evangeliu stiʼ Juan biʼniʼ traducírcabe ni casi «gabe caʼ laatu» (Jn 1:51).

MULTIMEDIA

Foto, ilustración, videu ni qué gapa sonidu ne videu de animación digital ni zusiene xcaadxi cosa ni ruzeeteʼ Biblia.

Betfagué, dani Olivo ne Jerusalén

Videu riʼ culuíʼ laanu neza para chindácabe Jerusalén ladu este stini, dede guidxi et-Tur (zándaca laani nga Betfagué ni ruzeeteʼ Biblia), hasta tobi de ca lugar jma nasoo ni nuu lu dani Olivo. Betania riaana ni ladu este stiʼ Betfagué, cueʼ dani Olivo ladu oriente. Ca dxi guyé Jesús ne ca discípulo stiʼ Jerusalén gúpacabe costumbre guiaanacabe Betania para gásicabe. Yanna riʼ lugar ra guyuu Betania nuu ti guidxi láʼ el-Ázariyeh (El Éizariya), lu diidxaʼ árabe riníʼ ni «Ra Guleza Lázaro». Né ndiʼ nuunu seguru dxandíʼ yeguiaana Jesús ra lidxi Marta, María ne Lázaro (Mt 21:17; Mr 11:11; Lu 21:37; Jn 11:1). Ca biaje biree Jesús de ra lídxicabe para cheʼ Jerusalén, zándaca neza ni rihuinni lu videu riʼ nga ra gudíʼdibe. Dxi 9 stiʼ nisán lu iza 33, gudiʼdiʼ Jesús lu dani Olivo para guyuu Jerusalén dxiʼbaʼ ti burruhuiiniʼ, zándaca biquiiñebe neza riʼ dxi bireebe de Betfagué para chindabe Jerusalén.

Neza de Betania hasta Betfagué
Betfagué
Dani Olivo
Valle stiʼ Cedrón
Ra gurí Templu stiʼ Jerusalén

Ti dxita xatiniñee daabi ti clavu

Foto riʼ nga ti copia stiʼ ti dxita xatiniñee daabi ti clavu de guiibaʼ de 11 centímetru arondaʼ de ziuulaʼ. Lu iza 1968 ora candaa caadxi arqueólogo ladu norte stiʼ Jerusalén bidxélacabe pieza original stini, de ca tiempu biʼniʼ mandar Roma ni. Ni bidxélacabe riʼ rusihuinni ni zándaca biquiiñecabe clavu ora guuticabe binni ne gucaacabe laacaʼ lu ti poste de yaga. Zándaca casi clavu ni rihuinni lu foto riʼ nga biquiiñeʼ ca soldadu romanu para bicaacabe Jesús lu maderu que. Bidxélacabe pieza riʼ ndaaniʼ ti osario, ti caja de guié ra guluucabe ca dxita ladi ti binni ni maʼ gutiʼ. Ni bidxélacabe riʼ rusihuinni ni zanda gucaachicabe ti binni ni gatiʼ lu ti maderu (Mt 27:35).