1-3. Xii nga ni cadi jneza biʼniʼ ca apóstol últimu gueelaʼ guyuunecaʼ Jesús ndaaniʼ Guidxilayú, ne ximodo nánnanu bidiicabe cuenta cadi jneza ni bíʼnicabe.

BIXUIʼLÚ ni bizaaca últimu gueelaʼ ante gati Jesús. Laabe zebe tobi de ca lugar ra jma riuuláʼdxibe de guidxi Jerusalén, ndaaniʼ jardín ni láʼ Getsemaní, riaana ni neza ra rindani Gubidxa. Ne zinebe ca apóstol stibe raqué. Nuu stale cosa ndaaniʼ íquebe ne ndaaniʼ ladxidoʼbe, nga runi caquiiñeʼ chuʼbe ti lugar ra cadi guchiiñaʼ guirutiʼ laabe para guni orarbe (Mat. 26:36; Juan 18:1, 2).

³ Nanna dxíchinu guyuucabe triste purtiʼ qué ñatanácabe. Ne nagueendaca bidiicabe cuenta cadi jneza ni bíʼnicabe. Ca diidxaʼ ni guníʼ Jiobá guicá lu Hechos culuíʼcani laanu bidii ca apóstol que ti ejemplu sicarú despué, purtiʼ qué liica nusaana de ñúnicaʼ ni na Dios, zacá bisihuínnicaʼ gutanacaʼ. Ne guyuu stale de ca xpinni Cristu yenanda ejemplu stícabe. Ca dxi riʼ, jma naquiiñeʼ gatananu (Mat. 24:42). Lu tema riʼ zazíʼdinu chonna cosa ni zeeda lu libru stiʼ Hechos ni zacané laanu gatananu.