14. ¿Xiruʼ zanda gúninu para quixhedxinu ladxidóʼ cani cayacaná?

¹⁴ Pur guiráʼ ndiʼ, zándaca gaca nagana para laanu guidxélanu xi gábinu cani naná nuu ladxidóʼ pur yuubaʼ ni cadíʼdicaʼ. Neca zacá, Biblia ná «diidxaʼ ni riníʼ binni nuu xpiaaniʼ zeeda gaca casi remediu» (Prov. 12:18). Stale xpinni Cristu ridxélacaʼ diidxaʼ para quixhedxicaʼ ladxidóʼ xcaadxi lu folletu Cuando muere un ser querido.c Neca zacá, stale biaje, ni jma jneza gúninu nga chinándanu ni ná conseju riʼ: «Laguuna né cani cayuunaʼ» (Rom. 12:15). Ti hermana viuda láʼ Gaby ná: «Ora guunaʼ nga rusihuinneʼ ni runeʼ sentir. Nga runi, ratadxí ladxiduáʼ ora guʼnané ca xhamiguaʼ naa. Qué runeʼ sentir nuaaʼ stubeʼ lu ca yuubaʼ ca».

20. ¿Xiñee riguixhedxí ca promesa stiʼ Jiobá ladxidoʼno?

²⁰ Ratadxí ladxidoʼno gánnanu xi chiguni Jiobá, Dios ni riguixhedxí ladxidoʼno, zabeebe guiráʼ yuubaʼ ca tobi si tiru dxi gunadiaga «irá cani nuu ndaani baʼ» stidxi Cristu ne guibánicaʼ sti biaje (Juan 5:28, 29). Maʼ bidii stiidxaʼ Dios zabi «guendaguti ne maʼ qué ziuu dxi chuʼ ni» ne «zuchaa nisa rieeteʼ lú guiráʼ binni» (Is. 25:8). Ora guedandá dxi ca, lugar de guʼnanécabe «cani cayuunaʼ», cani nabani lu Guidxilayú riʼ ziechenecaʼ «cani cayecheʼ» (Rom. 12:15).