1, 2. 1) Xi gudixhe ique Moisés guni dxi napa 40 iza. (Biiyaʼ dibuju ni zeeda ra ruzulú tema riʼ.) 2) Xiñee gulí Moisés gacaná casi ca israelita.

NANNA Moisés xi guiráʼ ñanda ñapa ndaaniʼ guidxi Egipto. Ruuyabe guiráʼ yoo ngola ni napa ca binni ricu, ne laapebe nabézabe ra lidxi rey. «Biziidi be irá ni nanna ca binni Egipto», zándaca biziidibe astronomía, matemática, arquitectura, biziidibe xcaadxi diidxaʼ ne gúnnabe de historia ne de ciencia (Hech. 7:22). Ñanda ñápabe stale bidxichi, ñácabe ti binni risaca o ñápabe xcaadxi cosa ni qué ñanda ñapa sti egipciu.

² Neca zacá, dxi nápabe 40 iza gudixhe íquebe gúnibe xiixa ni guca nagana para faraón ne binnilidxi guiene. Qué lica niguixhe íquebe nibánibe casi ribani ti egipciu, sínuque gulibe gácabe casi ca israelita ni nuu de esclavu. Xiñee yaʼ. Purtiʼ gúpabe fe (biindaʼ Hebreos 11:24-26). Cumu gúpabe fe la? «casi ñaca cayuuya be Dios neca qué rihuinni», purtiʼ nánnabe zuni guiráʼ ni maʼ guníʼ (Heb. 11:27).

6. 1) Xiñee qué niná Moisés «ñaca xiiñi xiñi dxaapa rey Faraón». 2) Xiñee rábiluʼ jneza ni gudixhe ique Moisés guni.

⁶ Laaca gucané fe stiʼ Moisés laa para ganna xi naquiiñeʼ guni. Biblia ruzeeteʼ: «Ne zaqueca bini cre Moisés Dios dxi ma huaniisi, ngue runi qué ñuulaʼdxi ñaca xiiñi xiñi dxaapa rey Faraón» (Heb. 11:24). Qué niníʼ íquebe ñápabe ti puestu risaca lade ca binni runi xhiiñaʼ rey ne niquiiñebe guiráʼ bidxichi ñápabe para ñúnibe xhiiñaʼ Dios ne ñacanebe ca israelita. Cumu nabé gunnaxhiibe Jiobá la? gudixhe íquebe gúnibe ni na de guidubi ladxidoʼbe, xhiálmabe ne stipa stibe (Deut. 6:5). Pur ni gudixhe íquebe gúnibe, qué ñápabe stale guendanagana. Ne despué, laca lu náʼ ca israelita que biaana stale de ca tesoro ni qué ninabe nicaabe (Éx. 12:35, 36). Biaritiʼ beeda gaca faraón nezalú Jiobá ne biiti laabe (Sal. 136:15). Peru Moisés qué ñati ne biquiiñeʼ Dios laa para chiné ca israelita ne gulabe laacaʼ. Guizáʼ nayecheʼ bibánibe.