1, 2. 1) Xi gudixhe ique Moisés guni dxi napa 40 iza. (Biiyaʼ dibuju ni zeeda ra ruzulú tema riʼ.) 2) Xiñee gulí Moisés gacaná casi ca israelita.

NANNA Moisés xi guiráʼ ñanda ñapa ndaaniʼ guidxi Egipto. Ruuyabe guiráʼ yoo ngola ni napa ca binni ricu, ne laapebe nabézabe ra lidxi rey. «Biziidi be irá ni nanna ca binni Egipto», zándaca biziidibe astronomía, matemática, arquitectura, biziidibe xcaadxi diidxaʼ ne gúnnabe de historia ne de ciencia (Hech. 7:22). Ñanda ñápabe stale bidxichi, ñácabe ti binni risaca o ñápabe xcaadxi cosa ni qué ñanda ñapa sti egipciu.

² Neca zacá, dxi nápabe 40 iza gudixhe íquebe gúnibe xiixa ni guca nagana para faraón ne binnilidxi guiene. Qué lica niguixhe íquebe nibánibe casi ribani ti egipciu, sínuque gulibe gácabe casi ca israelita ni nuu de esclavu. Xiñee yaʼ. Purtiʼ gúpabe fe (biindaʼ Hebreos 11:24-26). Cumu gúpabe fe la? «casi ñaca cayuuya be Dios neca qué rihuinni», purtiʼ nánnabe zuni guiráʼ ni maʼ guníʼ (Heb. 11:27).

4. Xi bidii Moisés cuenta rizaaca ca binni ni runi guiráʼ ni rinabaʼ beela ladi laa.

⁴ Cumu gupa Moisés fe la? bidiibe cuenta chupa chonna si gubidxa nga riuu binni nayecheʼ ora runi guiráʼ ni rinabaʼ beela ladi laa. Peru xcaadxi binni zándaca gadxé modo niníʼ ique. Xiñee yaʼ. Purtiʼ neca runi adorar ca binni de Egipto stale bidóʼ ne rúnicaʼ dxiiñaʼ de espiritismo, beeda gácacaʼ ti guidxi nadipaʼ ni runi mandar guidubi guidxilayú, peru ca xpinni Jiobá, nácacaʼ esclavu. Neca zacá, nanna Moisés zanda guchaa Dios modo nuucaʼ. Ruluíʼ galán nabani ca binni ni ricá ique guni ni riuulaʼdxiʼ, peru Moisés nanna dxichi zanitilú ca binni malu. Nga runi, qué ninabe «ñeche né be irá ni ñapa be, [...] chupa chonna si gubidxa».

5. Ximodo zanda gucáʼnanu guiráʼ ni rinabaʼ beela ládinu laanu yaʼ.

⁵ Ximodo zanda gucáʼnanu guiráʼ ni rinabaʼ beela ládinu laanu yaʼ. Ni zacané laanu nga gánnanu chupa chonna si gubidxa nga rusiecheʼ cani binni. Fe ni nápanu, cayacané ni laanu guidúʼyanu «canitilú guidxilayú ne irá ni nuu ndaani» (1 Juan 2:15-17). Guiníʼ íquenu xi zazaaca ca binni ni rucheené Dios ne qué naʼ gaca arrepentir. Casi ñaca zuhuaacabe «ti lugar ra ruxooñeʼ ñeecabe» ne qué zandaa ziábacabe (Sal. 73:18, 19). Ora chuʼ xiixa guquiinde laanu gucheʼnu, galán guinabadiidxanu: «Ximodo ñuuladxeʼ nibaneʼ despué yaʼ».